Kiko Nos Por Bisa dje Revistanan

E Toren di Vigilansia 15 di Feb.

“Bo a yega di puntra bo mes kon ta e mihó manera pa dirigí bo bida i tuma desishonnan klave? [Pèrmití e persona kontestá.] Den Beibel bo ta haña algun dje mihó konsehonan, manera por ehèmpel e Regla di Oro. [Lesa Mateo 7:12.] Kua otro prinsipionan di Dios por benefisiá nos direktamente? E revista aki lo duna bo e kontesta.”

¡Despertad! 22 di Feb.

“Podisé bo a ripará ku hopi lugá di empleo a bira mas peligroso. E revista aki ta duna bon sugerensia kon por hasi nan mas ‘safe.’ Tambe e ta mustra ku nos bienestar ta dependé di un punto di bista balansá di nos trabou. Por fabor, les’é.”

E Toren di Vigilansia 1 di Mart

“Debí na tur loke ta pasando awendia, mayoria di nos ta puntra nos mes ta kiko lo tin den futuro. Den un orashon famoso, Hesukristu a revelá e motibu pakiko nos por wak futuro ku konfiansa. [Lesa Mateo 6:9 i 10.] Humanidat ta kometiendo e mesun erornan ku hende a hasi hopi tempu pasá. Pero den e tempu ei, esnan ku a sirbi Dios tabatin un futuro felis. E revista aki ta mustra kon esei por ta asina den nos kaso tambe.”

Spièrta! 8 di Mart

“Beibel ta enfatisá e importansia di bon edukashon. [Lesa Proverbionan 2:10 i 11.] Mayoria di nos ta realisá ku ta masha vital pa muchanan tin maestronan kualifiká. Spièrta! ta para ketu na e papel krusial di maestronan, kon nos mester apresiá nan sakrifisionan i kiko mayornan por hasi pa yuda nan ku nan tarea difísil.”