Studiando e Buki Adorá Dios

Adorá e Úniko Dios Berdadero ta un buki diseñá pa studia ku hende nobo ora nan kaba ku e buki Conocimentu. Dor di analisá e buki aki na Studio di Buki di Kongregashon, nos lo ta mihó prepará pa us’é den sirbishi di vèlt i lo e yuda nos krese mas den nos amor i apresio pa Yehova i su organisashon. Kon nos por benefisiá plenamente di e buki Adorá Dios?

Kon pa Kondusí e Studio: Komo ku kada siman nos lo konsiderá un kapítulo kompletu, superintendentenan di studio di buki mester repartí e tempu na un manera sabí. Nan lo ke sòru pa e studio move lihé durante e paragrafnan di introdukshon, ya asina por dediká mas tempu na e informashon mas pisá ku por lo general ta bini mas despues den e kapítulo. Un konsiderashon kòrtiku di e kuadro di repaso na final di kada studio lo yuda esnan presente keda kòrda e puntonan klave.

Den kasi mitar di e kapítulonan di e buki Adorá Dios bo ta haña un seri di pregunta pa meditá i analisá ku ta kuminsá un tiki mas aden ku e paragraf. Na página 48-9 bo ta haña un ehèmpel. No tin nodi lesa e preguntanan ei ora ta lesa e paragraf. Ora ku e superintendente ta konsiderá nan ku e grupo, e mester laga lesa i analisá e tekstonan menshoná segun tempu ta permití.

Prepará di Antemano: Prepará bon pa e studio ta enserá mas ku djis hala liña bou di e kontestanan. Dor di meditá huntu ku orashon riba e tekstonan menshoná, nos lo por prepará no solamente nos komentarionan sino, mas importante ainda, nos kurason. (Esd. 7:10) Nos tur por yuda enkurashá otro dor di duna komentario libremente pero sin dominá e konsiderashon.—Rom. 1:11, 12.

Studiando e buki Adorá Dios lo yuda nos hala serka Yehova i tambe prepará nos pa yuda hende di kurason onrado djòin nos den ador’é. (Sal. 95:6; Sant. 4:8) Laga nos tur saka pleno benefisio di e ekselente areglo spiritual aki.

[Box on page 3]

Adorá e Úniko Dios Berdadero

Programa di Studio pa 2003

Òkt. 20: kap. 1

27: kap. 2

Nov. 3: kap. 3

10: kap. 4

17: kap. 5

24: kap. 6

Des. 1: kap. 7

8: kap. 8

15: kap. 9

22: kap. 10

29: kap. 11

Programa di Studio pa 2004

Yan. 5: kap. 12

12: kap. 13

19: kap. 14

26: kap. 15

Feb. 2: kap. 16

9: kap. 17

16: kap. 18

23: kap. 19

Mart 1: kap. 20

8: kap. 21