Skol di Ministerio Teokrátiko pa 2004
1 Yehova ta prepará hende komun i koriente pa kumpli ku un trabou ku ta di importansia mundial. Un manera ku e ta hasi esaki ta mediante e entrenamentu ku nos ta risibí semanalmente den e Skol di Ministerio Teokrátiko. Abo ta partisipá den dje plenamente di akuerdo ku bo sirkunstansia? Na yanüari 2004 tin algun ahuste ku lo drenta na vigor ku e propósito pa yuda studiantenan saka lo mihó for di e areglo aki.
2 Rotashon di Konsehero Asistente: Rumannan ku ta duna diskurso di instrukshon i e puntonan sobresaliente di Beibel a apresiá e konsehonan ku e konsehero asistente a duna nan. Den kongregashonnan ku tin sufisiente ansiano kualifiká, kada aña un otro ansiano por tuma turno pa sirbi komo konsehero asistente. Di e manera aki nan por kompartí e responsabilidatnan; pero loke ta mas importante ainda ta ku ansianonan i sirbidónan ministerial kualifiká lo benefisiá di e eksperensia kolektivo di un variedat di oradó i maestro kapas.
3 Programa pa Repaso Oral: Si bo kongregashon tin asamblea di sirkuito den e siman di repaso, mester posponé e repaso (i e restu di e programa semanal) pa su siguiente siman i usa e programa di e siguiente siman den e siman di asamblea. Sin embargo, ora ku e repaso ta kai riba e mesun fecha ku e bishita di superintendente di sirkuito, no ta nesesario pa kambia e programanan di e dos simannan kompletamente. Mas bien, mester presentá e kantika, e diskurso di kualidat di papia i e puntonan sobresaliente di Beibel, manera nan ta programá. E diskurso di instrukshon (ku ta ser duná despues di e diskurso di kualidat di papia) lo ta esun programá pa e siguiente siman. Despues di puntonan sobresaliente di Beibel lo sigui ku un Reunion di Sirbishi di mei ora. Por ahustá e reunion aki di tal manera ku bo ta haña sea tres parti di 10 minüt òf dos parti di 15 minüt. (E parti di anunsionan mester keda afó.) Despues di e Reunion di Sirbishi lo sigui ku un kantika i e programa di superintendente di sirkuito ku ta mei ora. E siguiente siman, e Skol di Ministerio Teokrátiko lo sigui ku e diskurso di kualidat di papia i e puntonan sobresaliente di Beibel manera ta programá, i despues ku e repaso oral.
4 Probechá di kada oportunidat pa bo krese spiritualmente. Segun ku bo ta benefisiá di e edukashon ku bo ta haña den e Skol di Ministerio Teokrátiko, bo ta animá bo kongregashon, bo ta hunga un papel den kumplimentu di profesia di Beibel i bo ta trese alabansa pa e Outor di e mensahe maravioso ku nos tin ku proklamá.—Isa. 32:3, 4; Rev. 9:19.