Kiko Nos por Bisa di e Revistanan

E Toren di Vigilansia 1 di Mart

“Un persona a yega di puntra Hesukristu: ‘Di tur e mandamentunan, kual ta esun di promé?’ Wak kiko Hesus a kontestá. [Lesa Marko 12:29, 30.] Bo a yega di puntra bo mes kiko Hesus tabata kier men? [Permití e persona kontestá.] E artíkulo ‘Kon Nos Ta Demostrá Nos Amor pa Dios’ ta analisá e nifikashon di e famoso palabranan aki.”

Spièrta! 8 di Mart

“Hopi hende ta gusta siña tokante bestia, i tin algun hende gusta tin bestia di kas. [Permití e persona duna su komentario.] E revista aki ta konsiderá algun difikultat ku kriamentu di bestia di kas ta trese kuné. Tambe e ta splika ku Dios a primintí ku lo bin un tempu ku tur bestia lo ta na pas ku otro i ku hende.” Lesa Isaias 11:6-9.

E Toren di Vigilansia 15 di Mart

“Nos ke invitá bo na selebrashon di e Sena di Señor riba djadumingu 4 di aprel. [Usa último página di e revista òf e invitashon imprimí di Memorial pa duna splikashon. Kaba lesa Lukas 22:19.] E promé dos artíkulonan den e edishon aki di E Toren di Vigilansia ta trata e nifikashon di e evento aki i e manera ku e ta wòrdu selebrá.”

¡Despertad! 22 di Mart

Despues di menshoná un suseso trágiko ku hende ta kòrda ainda, puntra: “Bo a yega di puntra bo mes pakiko Dios ta permití kosnan asina sosodé? [Permití e persona kontestá. Anto lesa Santiago 1:13.] E artíkulo aki a ser skirbí spesialmente pa hóbennan, i e ta spliká dikon nos amoroso Kreadó no a intervení ainda pa pone un fin na sufrimentu di hende.”