Preparashon Ta un Faktor Klave pa Hasi Rebishita Efikas
1 Hesus a prepará su disipelnan bon pa nan por tabata predikadónan efikas di “e evangelio di reino.” (Mat. 4:23; 9:35) E entrenamentu a tuma lugá den e área di Palestina so. Sinembargo, promé ku Hesus a subi na shelu, el a revelá ku e ministerio kristian lo ekspandé di tal manera ku lo por a “hasi tur e nashonnan disipel.”—Mat. 28:19, 20.
2 E trabou ei lo a enserá bolbe serka hende ku a mustra interes den e bon nobo di e Reino di Dios i siña nan pa kumpli ku tur e kosnan ku Kristu a ordená. Pues pa hasi rebishita efikas, nos mester ta bon prepará.
3 Plania di Antemano: Tin publikadó ta purba hasi un pregunta na final di e promé bishita i ta primintí di bin bèk pa kontestá e pregunta. Nan a ripará ku loke a yuda nan kuminsá un estudio di Beibel mesora durante e promé rebishita ta ora nan a referí na e informashon den e buki Beibel Ta Siña.
4 E echo ku nos tin solamente dos revista pa luna no ta nifiká ku nos tin ku warda te ora nos haña revista nobo pa hasi rebishita. Ta posibel pa lanta interes di e persona dor di trata informashon ku tin den e revista ku e hende tin kaba.
5 Pone un Meta: Promé ku bo bai bèk, tuma un par di minüt pa repasá bo registro i determiná kiko bo ke logra. Por ehèmpel, konsiderá un punto for di e publikashon ku bo a laga kaba. Òf laga un otro publikashon ku ta trata un tema ku boso a papia riba dje e último biaha. Si bo a hasi un pregunta durante e último bishita, sin duda bo meta lo ta entre otro pa kontestá e pregunta ei. Ora bo ke hala atenshon na un teksto ku ta komprobá un punto, purba les’é direktamente for di Beibel.
6 Nos Meta: Klaru ku nos meta ta pa kuminsá un estudio di Beibel. Un ruman hòmber a ofresé un mener un estudio di Beibel ora el a rebishit’é, pero e mener no aseptá. E ruman hòmber a bishit’é atrobe pa hiba revista nobo p’e i a bis’é: “Awe nos kier a kontestá un pregunta bíbliko.” Despues ku e mener a duna su komentario, e ruman hòmber a lesa un teksto i un paragraf apropiá for di un publikashon pa kondusí estudio di Beibel. E konsiderashon ei a hiba na un estudio di Beibel regular.
7 Ta bale la pena si nos tuma tempu pa prepará pa hasi rebishita. Nos lo haña mas goso, i nos por tin e privilegio di yuda un persona ku “disposishon korekto” riba e kaminda di bida.—Echo. 13:48, NW.
[Study Questions]
1. Den ki manera e ministerio kristian di promé siglo lo a ekspandé?
2. Kiko obedesé Hesus su mandamentu pa ‘hasi disipel’ ta enserá?
3. Asta durante e promé bishita, kon bo por habri kaminda pa un rebishita?
4. Pakiko nos no mester warda te ora revista nobo yega pa hasi un rebishita?
5. Kiko lo ta e benefisio di pone un meta ora bo ta hasi rebishita?
6. Ku ki meta nos ta hasi rebishita?
7. Kon bon preparashon a yuda bo kuminsá un estudio di Beibel?