Kongreso di Distrito 2009 di Testigunan di Yehova
1. (a) Ki bendishon nos lo haña ora nos asistí tur tres dia na e kongreso di distrito? (b) Ki plan nos tin ku traha for di trempan?
1 Nos tur ta spera ansiosamente riba e kongreso di distrito 2009, kaminda nos lo tin e oportunidat atrobe pa reuní ku otro adoradónan di Yehova, kendenan ta “konsiente di nan nesesidat spiritual.” (Mat. 5:3, NW) Siendo ku Yehova su dia ta aserkando rápidamente, nos ta animá kada un di boso pa hasi esfuerso pa ta presente tur tres dia, ya boso por benefisiá plenamente di e kaluroso hermandat kristian i tambe di e animashon spiritual pa para firme den fe. (Sof. 1:14) Laga maestronan i dunadónan di trabou sa ku e kongreso ta un parti sumamente importante di boso adorashon. Tuma kurashi pa traha boso plannan for di trempan i buska Yehova su bendishon; boso por ta sigur ku lo e sostené boso.—Isa. 50:10.
2. Ki ambiente internashonal nos por spera asta si nos no a haña invitashon pa asistí na un kongreso internashonal?
2 Kongresonan Internashonal: Ya ku lo tene e kongresonan akí den un kantidat limitá di pais i stat, lo ta bon pa solamente esnan ku ta asigná asistí. Nos koperashon den esaki ta importante, ya asina nos lo evitá ku ta bai tin demasiado hende. (1 Kor. 14:40; Heb. 13:17) Sinembargo, un gran kantidat di otro kongresonan di distrito lo tin un ambiente internashonal, ya ku hopi misionero, bètelita ku ta sirbi den estranheria i sirbidónan internashonal lo asistí na un kongreso den nan pais natal.
3. Kon nos por mustra amor kristian na algun ruman den nos kongregashon?
3 Yuda Otro Hende Asistí: Tin ruman den bo kongregashon ku mester di yudansa pa asistí na e kongreso? Ora bo yuda otro hende asistí, en realidat bo ‘no ta buskando bo interes personal so, ma ta buskando tambe interes di otronan.’—Fil. 2:4.
4. Kon nos por haña informashon tokante fecha i sitio di kongreso?
4 Kon pa Haña Informashon: Si bo tin mester di informashon tokante fecha i sitio di kongreso, sea asina bon di wak E Toren di Vigilansia di 1 di mart 2009 òf konsultá ku e sekretario di bo kongregashon promé, pa no yama sukursal innesesariamente.
5. Ki prosedura mester sigui si un publikadó ku nesesidat spesial ta pidi yudansa pa haña alohamentu?
5 Nesesidat Spesial: Si un publikadó tin mester di yudansa pa haña alohamentu, e Komité di Sirbishi di Kongregashon mester disidí si e publikadó ta kualifiká pa yena un formulario Solisitut pa Alohamentu pa Esnan Ku Tin Nesesidat Spesial. E sekretario di kongregashon lo manda e formulario pa Departamento di Alohamentu.
6. Kiko mester ta nos preokupashon prinsipal ora nos ta prepará i asistí na e kongreso di distrito 2009?
6 Obranan Ku Ta Glorifiká Dios: Ora nos desplegá fruta di spiritu den tur loke nos hasi, prestando atenshon prinsipalmente na nos abla i komportashon ora nos tin ku komuniká ku e staf di hotèl i otro hende den e stat di kongreso, nos ta kontribuí na e bon reputashon di Yehova su pueblo i evitá di laga otro hende trompeká. (1 Kor. 10:31; 2 Kor. 6:3, 4) Laga nos glorifiká Dios mediante nos asistensia i kondukta na e kongreso di distrito 2009!—1 Ped. 2:12.
[Box on page 3]
Orario di e Programa:
Aruba:
Djabièrnè i Djasabra
9:20 a.m. - 4:55 p.m.
Djadumingu
9:20 a.m. - 4:00 p.m.
Kòrsou:
Djabièrnè i Djasabra
1:20 p.m. - 8:45 p.m.
Djadumingu
1:20 p.m. - 8:00 p.m.