Kaha di Pregunta

◼ Ta apropiá pa kongregashonnan òf personanan individual usa e logo di e korporashonnan legal di Testigunan di Yehova?

Un logo ta un nòmber, símbolo òf marka di identifikashon ku ta fásil pa hende rekonosé. E logo di Watch Tower ta representá Watch Tower Bible and Tract Society of Pennsylvania i otro korporashonnan ku e organisashon ta usa. E Kongregashon Kristian di Testigunan di Yehova ta usa un Beibel habrí komo logo na kabes di su kartanan. E otro korporashonnan di Testigunan di Yehova tin logonan diferente.

Kongregashonnan òf personanan individual no mester usa logo òf nòmber di e entidatnan legal di e organisashon, ni logo òf nòmber paresido, riba nan edifisionan òf bòrchinan di Salòn di Reino, kartanan, artíkulonan personal, etcetera. Si usa e logonan di e organisashon di e formanan akí, funshonarionan públiko, publikadónan i otro hende lo por keda konfundí enkuanto e konekshon legal di e kongregashon ku e entidatnan legal di e organisashon. Meskos tambe, si usa e logonan den korespondensia, hende lo por pensa ku e karta ta aprobá òf ta bini di e sede mundial òf di sukursal.

Den futuro no mester usa e logo di Watch Tower, ni nada paresido, pa proyektonan nobo di Salòn di Reino, ni ora e Salòn di Reino ta propiedat di un di e entidatnan di Watch Tower. Salònnan di Reino ku tin un logo kaba no tin nodi kita e logo mesora si esei ta enserá kambionan grandi ku ta enbolbé hopi tempu, esfuerso i plaka. Sinembargo, si e kambio no ta grandi i no ta enbolbé hopi trabou, plania pa hasi e kambio. Si e kambio ta grandi, por hasi e kambio akí durante renobashon.