Kiko Nos Por Bisa di e Revistanan

E Toren di Vigilansia 1 di Desèmber

“Hopi hende ta kere ku tin kriaturanan inteligente den e region spiritual ku tin influensia riba nos bida. Kiko abo ta pensa? [Permití e persona kontestá. Despues lesa Revelashon 12:​7-⁠9.] E revista akí ta mustra loke Beibel ta bisa tokante esnan ku ta biba den e region spiritual, ki efekto nan tin riba nos bida i si nos por tin kontakto ku nan.”

¡Despertad! Desèmber

“Hopi hende a yega di puntra, ‘Si Dios ta eksistí, dikon e no ta kaba ku Diabel?’ Bo a yega di hasi bo mes e pregunta ei? [Permití e persona kontestá.] E artíkulo akí na página 10 i 11 ta kontestá e pregunta ei bíblikamente. Ademas, e ta bisa nos kon mundu lo bira ora Diabel no t’ei mas.” Lesa Revelashon 21:​3 i 4.

E Toren di Vigilansia 1 di Yanüari

“Hopi hende no ta kere ku e hòfi di Edén realmente a eksistí. Lo bo keda sorprendí si bo haña sa ku Hesus a papia di Adam ku Eva komo personanan real? [Permití e persona kontestá. Despues lesa Mateo 19:​4-⁠6.] E revista akí ta kontestá algun pregunta ku hende sa hasi tokante e hòfi di Edén.”

¡Despertad! Yanüari

Mustra e persona e portada i puntr’é, “Kon lo bo kontestá e pregunta akí? [Permití e persona kontestá.] Beibel ta animá hende pa ta pasífiko. [Lesa Santiago 3:⁠17.] Ta dikon anto religion no a uni hende? Religion lo kontribuí na pas un dia? E revista akí ta kontestá e preguntanan akí.”