Kaha di Pregunta

◼ Nos tin ku hasi orashon ora nos ta dirigí un estudio di Beibel na porta?

Ta masha benefisioso pa habri i sera un estudio bíbliko ku orashon. Ora nos ta hasi esei, nos ta pidi Yehova su guia, mediante spiritu santu, pa e estudio. (Luk. 11:⁠13) Ademas, esei ta yuda e studiante mira ku un estudio di Beibel ta algu serio, i e por siña tambe kon pa hasi orashon na Dios. (Luk. 6:⁠40) P’esei, ta bon pa kuminsá e estudio ku orashon mas pronto posibel. Pero debí ku kada sirkunstansia ta diferente, esun ku ta dirigí e estudio tin ku usa disernimentu pa determiná si e ta hasi orashon ora un estudio bíbliko ta tuma lugá na porta.

Ta importante pa tene kuenta ku e situashon. Si e persona ta studia riba un base regular i tin un grado di privasidat, por hasi un orashon kòrtiku na komienso i na final. Pero si esaki ta hala muchu atenshon òf e studiante ta sintié inkómodo, ta mihó warda te ora por tene e estudio kaminda e persona tin mas privasidat. Sea loke sea ta e kaso, nos tin ku usa disernimentu pa determiná ki ora ta kuminsá hasi orashon na un estudio di Beibel.​—⁠Wak Nos Ministerio di Reino di mart 2005, página 6.