Ken Lo Por Ta Interesá den e Tema Akí?
1. Kiko nos tin ku puntra nos mes ora nos ta lesa E Toren di Vigilansia i ¡Despertad! i dikon?
1 Tantu E Toren di Vigilansia komo e ¡Despertad! ta diseñá ku e kampo mundial na mente. P’esei nan ta trata un variedat amplio di tópiko. Segun ku bo ta lesa kada artíkulo di bo ehemplar personal, puntra bo mes: ‘Ken lo ta interesá den e tema akí?’ Anto, pone komo bo meta pa ofresé e revista na e hende ku bo a pensa riba dje.
2. Ki tópikonan di nos revistanan por ta interesante pa otronan?
2 E Toren di Vigilansia ta trata un tópiko bíbliko ku abo i un kolega di trabou a yega di papia di dje? Tin un artíkulo tokante bida di famia ku lo por ta útil pa un famia di bo? Bo tin un konosí ku ta plania pa bishitá un pais ku e ¡Despertad! a papia di dje? Un di e revistanan por ta di interes pa sierto negoshi òf instansia di gobièrnu ku tin den bo teritorio? Por ehèmpel, un revista ku ta trata difikultatnan ku hende di edat ta enfrentá por ta di interes spesial pa kasnan di kuido. I lo no ta mal idea pa ofresé un revista ku ta trata e tópiko di kriminalidat na instansianan hudisial.
3. Konta un eksperensia ku ta mustra e importansia di ofresé un ehemplar spesífiko di nos revistanan na esnan ku nos ta kere ku lo hañ’é interesante.
3 Resultado: Despues ku un pareha di Suráfrika a risibí e ¡Despertad! di òktober 2011 tokante “Kon pa Lanta Yunan pa Nan Ta Responsabel,” nan a bèl 25 skol den e teritorio di nan kongregashon. Bintidos di nan a aseptá e revistanan akí i a parti nan pa e studiantenan. Un otro pareha di e pais akí a kai riba e mesun idea, i nan a laga ehemplar di e revista ei na e skolnan den nan teritorio. E maestronan di un di e skolnan a disidí di usa e revista durante nan lèsnan semanal. E pareha a konta e superintendente di sirkuito nan eksperensia, i e na su turno a animá e kongregashonnan di su sirkuito pa ofresé e revista akí na e skolnan den nan teritorio. E sukursal a haña asina tantu pedido pa e edishon ei di e revista ku mester a imprimí mas!
4. Dikon nos lo ke ofresé e revistanan na mas tantu hende posibel?
4 Nos revistanan ta splika e berdadero nifikashon di e kosnan ku ta pasando aworakí i ta dirigí hende su atenshon na Beibel i na e Reino di Dios. Ademas, nan ta e úniko revistanan na mundu ku ta “anunsiá salbashon.” (Isa. 52:7) P’esei nos tin ku ofresé nan na mas tantu hende posibel. I un bon manera pa logra esaki ta dor di puntra bo mes: ‘Ken lo por ta interesá den e tema akí?’