Presentá Un Tema, Pero Ofresé Tur Dos Revista

Tur nos revistanan tin un variedat di temanan interesante. En bes di presentá vários tema na e doño di kas, por lo general ta mihó presentá un solo tema. Si nos ta bon opservadó i ta na altura di e kontenido di e revistanan, nos por skohe un tema sea di E Toren di Vigilansia òf ¡Despertad! ku lo interesá e doño di kas. Por ehèmpel, si nos mira kos di hunga den kurá òf den e kas, nos por resaltá un tema ku tin di haber ku bida di famia. Si ta un hende hòmber a bini na porta, nos lo por presentá un tema ku hende hòmber ta haña interesante, manera por ehèmpel, bon gobernashon. Maske nos presentá un tema so, tòg lo ta bon pa ofresé tur dos revista si e doño di kas mustra interes.