“E Persona Nunka Ta na Kas!”

Algun di nos a yega di bisa esei ora nos no a bolbe haña un persona ku a mustra interes. Maske kuantu nos a purba, ta parse ku ta imposibel pa nos muha e simia di bèrdat ku nos a planta. (1 Kor. 3:6) Kiko nos por hasi? Algun publikadó ku eksperensia ta skirbi karta, òf ta laga un nota den brivenbùs. Tin publikadó ta premirá ku lo ta difísil pa bolbe haña e persona na kas. P’esei nan ta puntr’é su number di telefòn, kisas bisando: “Mi por bèl òf mandá un mensahe pa bo promé ku mi bini e próksimo biaha?” Nos por konta un rebishita kada bes ku nos bishitá e persona, òf dun’é testimonio lagando un nota den brivenbùs. Pero tambe si ta via karta, e-mail, sms òf yamada di telefòn. Asta si ta de bes en kuando nos ta hañ’é na kas, nos por sigui kultivá su interes.