Un Invitashon Personal
1. Na ki momento nos lo kuminsá parti invitashon pa e kongreso?
1 Ora bo hasi hopi esfuerso i gastu pa prepará un kuminda spesial pa bo famia- i amigunan, no tin duda ku lo bo invitá nan ku entusiasmo. Asina tambe a hinka hopi tempu den preparashon di e bankete spiritual ku nos lo haña na nos binidero kongreso. Tres siman promé ku nos kongreso kuminsá, Yehova ta duna nos e privilegio di invitá hende pa asistí. Kiko por yuda nos hasi esaki ku entusiasmo?
2. Kiko lo motivá nos pa partisipá plenamente den e kampaña?
2 Si nos para pensa kuantu nos mes ta benefisiá di e instrukshon refreskante ku Yehova ta perkurá pa nos hãna na nos kongresonan, esaki lo motivá nos pa partisipá plenamente den e kampaña. (Isa. 65:13, 14) Tambe nos mester kòrda ku tur aña e kampaña akí ta duna bon resultado. (Wak e kuadro “E Ta Duna Resultado.”) Algun di e hendenan ku nos invitá lo asistí na e kongreso ku nos miéntras otronan nò. Pero, sin importá kuantu hende reakshoná, nos esfuersonan durante e kampaña ta trese alabansa na Yehova i ta mustra kon generoso e ta.—Sal. 145:3, 7; Rev. 22:17.
3. Kon nos lo parti e invitashonnan?
3 Kada kuerpo di ansiano mester determiná kon lo parti e invitashonnan, si lo laga nan ora no haña hende na kas òf si lo ofresé nan ora ta prediká na lugánan públiko den nan teritorio. Den wikènt, si ta apropiá, nos lo ofresé e revistanan huntu ku e invitashon. Despues di e kampaña, nos lo por ta kontentu ku nos a partisipá ku entusiasmo i ku mas tantu hende posibel tabata huntu ku nos na e bankete spiritual ku Yehova a perkurá.