Kampaña di Invitashon pa Kongreso

Tur aña, nos ta ansioso pa disfrutá di nos bankete spiritual na nos kongresonan regional. Pa otro hende tambe por purba i mira ku Yehova ta bon, nos ke invitá mas tantu hende posibel. (Sl 34:8) E kuerpo di ansiano di kada kongregashon lo determiná kon ta e mihó manera pa parti e invitashonnan.

DETAYENAN PA TENE NA MENTE

• Fecha di mi kongreso:

• Fecha ku e kampaña ta kuminsá:

• Salida pa sirbishi:

• Mi meta pa e kampaña:

• E hendenan ku mi ke invitá:

KIKO LO BO BISA?

Despues di kumindá e persona, bo por bis’é:

“Nos ta partisipá den un kampaña mundial pa invitá hende na un evento masha importante. Riba e invitashon bo ta haña e ora i e sitio di e evento. Nos lo apresiá bo presensia.”

KON BO POR KULTIVÁ INTERES DI UN PERSONA?

Aunke nos ke invitá mas tantu hende posibel na e kongreso, nos mester ta atento pa yuda kualke persona ku mustra interes.

Den wikènt, nos por ofresé revista huntu ku e invitashon.