NOS BIDA KRISTIAN

Kon pa Mehorá bo Sirbishi—Hasi Rebishita

DIKON ESAKI TA IMPORTANTE: Hopi hende ku ta mustra interes den e mensahe di Reino ta buskando e bèrdat tokante Dios. (Isa 55:6) Pa nos por siña nan, nos mester rebishitá nan vários biaha. Hende sa haña nan ku diferente problema. P’esei, e manera ku nos ta purba di kultivá nan interes ta varia. Pues, nos lo tin mas éksito si nos prepará bon. Ademas, nos mester pone un meta ku nos ke logra na kada bishita, ku e propósito di kuminsá un estudio di Beibel.

Un ruman ta prepará pa hasi un rebishita

KON PA HASI ESAKI:

Dos ruman ta hasi un rebishita i ta pasa un vidio

Hasi esfuerso pa bolbe mas pronto posibel, kisas denter di algun dia.—Mat 13:19
Sea amigabel i respetuoso. Keda kalmu
Kumindá ku un smail riba bo kara. Usa e persona su nòmber. Kòrd’é pakiko bo a bolbe—kisas pa kontestá un pregunta, pa trese e revista di mas resien, pa mustr’é nos website, pa pasa un vidio òf pa demostrá kon un estudio di Beibel ta bai. Adaptá loke bo ta bai bisa si e papia tokante un otro tópiko ku e ta haña interesante.—Flp 2:4
Lesa un teksto di Beibel òf laga un publikashon, i asina bo ta muha simia di e bèrdat ku bo a planta den su kurason. (1Ko 3:6) Purba di establesé un bon relashon ku e persona.
Pone base pa e siguiente bishita