Repasá e Puntonan Prinsipal

Sa pasa ku bo ta lucha pa kòrda loke b’a kaba di siña? De bes en kuando, esei ta pasa ku nos tur. Kiko por yuda bo? Esei ta di repasá e puntonan prinsipal.

Segun ku bo ta studia, ratu ratu para ketu na e puntonan prinsipal. Wak kon Pablo a hasi esei pa esnan ku tabata lesa su karta. El a bisa: “Awor bon, e punto prinsipal di loke nos ta bisando ta esaki.” (Heb. 8:1) Ku e palabranan ei, e tabata yuda su oyentenan komprondé su lógika i mira kon kada punto ta konektá ku su tema.

Kisas bo por apartá tempu ora bo kaba di studia, manera un dies minüt asina, pa repasá e puntonan prinsipal di loke bo a studia. Si bo no ta kòrda nan, kisas bo por wak e suptemanan òf lesa e promé frase di kada paragraf atrobe. Si bo a siña algu nobo, purba splika esei ku bo mes palabra. Ora bo repasá e puntonan prinsipal, lo bira mas fásil pa bo kòrda nan i tambe pa apliká loke bo a siña den bo bida.