Dikon Te Ainda Tin Guera i Konflikto?

PIKÁ

Dios a krea nos promé mayornan, Ádam ku Eva, den su imágen. (Génesis 1:27) Esei ta nifiká ku Dios a krea nan ku e kapasidat di imitá su kualidatnan, manera pas i amor. (1 Korintionan 14:33; 1 Huan 4:8) Sinembargo, Ádam ku Eva a desobedesé Dios, i nan a peka. Komo resultado, nos tur a heredá piká, i nos tur ta muri. (Romanonan 5:12) Debí na e piká ku nos a heredá, hopi biaha nos por haña pensamentu robes. I esei na su turno, ta pone ku hopi hende ta hasi kos malu.—Génesis 6:5; Marko 7:​21, 22.

GOBIÈRNU HUMANO

Dios no a krea nos ku e kapasidat di goberná nos mes. Beibel ta bisa: “No ta keda na un persona pa e mes dirigí su pasonan.” (Yeremías 10:23) Pa e motibu ei, gobièrnu humano no por kaba ku guera i violensia kompletamente.

SATANAS I E DEMOÑONAN

Beibel ta bisa ku “henter mundu ta den poder di e Malbado.” (1 Huan 5:19) E “Malbado” ei ta Satanas e Diabel, i e ta un asesino kruel. (Huan 8:44) Ta Satanas i e demoñonan ta esnan ku ta influensiá hende pa kuminsá guera i kometé akto violento.—Revelashon 12:​9, 12.