Beches el Rolel a Domuchel a Cheldechedechad

Ngulemuchel er a March 2016, e ngmo bek el eru el buil, e a ikrel a Ongkerongel el mo er a buai a ngar er ngii a beches el suobel el “Ngerang Mesaod a Biblia?” E tiang a mileketmokl el mo olengeseu er kid el mo omuchel a cheldechedechad el mengai er aike el losaod a Biblia. A rolel e tia el suobel a mileketmokl, a kmal di uai aike el babilenged el tract. Ngar er ngii a ker me a bades er a Biblia el mo onger er tia el ker, me a dirrek el bebil el uldasu el sebeched el mo mesaod.

A ungil el cheldecheduch el mesaod a tekoi el mlengai er a bades er a Biblia, a blechoel el mo uchul e ngmo er ngii a omesubel a Biblia. Mousbech er tia el beches el rolel a domuchel a cheldechedechad el mo olengeseu er a rebetok el chad el mo medengelii a klemerang.​—Mt 5:6.

NGMEKERANG A DOUSBECH ER TIA EL BECHES EL SUOBEL:

1. Moker er a uldesuel a chad er a blai er a ta er aike el ker

2. Morrenges er ngii el kot e moreng a sulel er a ungil el nger er ngii

3. Monguiu aike el bades el ngar cheungel sel suobel el “Ngerang Mesaod a Biblia?,” e moker a uldesuel er a bades. A lsekum e ngdirk ngar er ngii a temel, e molemolem er a cheldechedechemiu, el ousbech aike el bebil er a omesodel el ngar cheungel sel “Ngera Lmuut el Bebil el Desuub er a Biblia?”

4. Bsang a Ongkerongel

5. Mketmeklii a taem el mluut el mong el mo mesaod er sel ongeru el ker