MAKALEGELO A UKLISTO

Udi Yagudilondega Mukunda nu Lamba dia Mbongo Diajiya Gugubuila?

Tuanago gudisagesa muavula tangua tuana mona luholo ndaga jidi mubua ha mavu jiana bata lamba dia makuta ha mavu agasue. Mukunda natshi? Handaga tudi mujinga diago mu masugu a gisugishilo. Biblia idi gututemesa egi tushigo naye gusha mutshima mu “umonyi wana bola.” (1Tm 6:17; 2Tm 3:1) Gifezegeselo gia Yosafata gidi gutulongesa itshi mukunda nu lamba dia mbongo diajiya gutubuila?

Tangua mbalagaji jia mu ifutshi iko jiajile ha guluisa Yosafata, washile mushima gudi Yehowa. (2Gudi 20:9-12) Uvi walondele nji ibayi ya dimbo, wahagele masuta mu membo agasue a Yuda. (2Gudi 17:1, 2, 12, 13) Esue nji gula tuatagana nu ndaga ya lamba, tudi naye gushila Yehowa mutshima nu gudilondega gutuama.

ITSHI WAJIYA GUTSHITA HA GUDILONDEGA MUKUNDA NU LAMBA DIA MBONGO DIAJIYA GUGUBUILA?

Kolesa ufuta waye nu Yehowa: Khala musuanguluga nu ima udi nayo. Sha mutshima egi Yehowa udi nu ngolo jia guguhana ima udi nayo funu lusugu nu lusugu. (Mat 6:26; 1Tm 6:8) Ushiyigo mikhuala ya Biblia ha guheta ima udi nayo funu. (Rm 2:21) Kamba gujiya gutuama luholo mbawukhala mutanga Biblia nu mikanda yetu gula ushigo nu courant nga Internet. Tomba mikanda ya papye ubambe, gula luholo ludi guene wajiya gu télécharger gutuama mikanda mu telefone.

Londega ima yajiya gugukuatesa: Ukhadigo muzula mikudi yavula nga gutshita ba depense ashigo nu funu gutuama egi lamba dia mbongo digubuile. (Ish 22:7) Gula luholo ludi guene bamba ima ya gudia nu ima iko muajiya gukhala nayo funu. Wajiya gukuna ima ya gudia mu luphango ha gutuna gutshita ba depense avula.

TALENU VIDEO WADILONDEGA GALE MUKUNDA NU LAMBA DIAJIYA GUBUA MU GISAGUMUISA BA? GUNGIMA HANENU MVUTU GU MIHU EYI:

Ndaga jidi mu video: “Wadilondega Gale Mukunda nu Lamba Diajiya Gubua mu Gisagumuisa ba?” Ifuanesa yazonda idi mumonesa Biblia nu kuba nu telefone nu athu ana tshita mudimo wa gutunga.

Itshi muthu wagasue mukatshi dietu wajiya gutshita gula lamba diabua mu gisagumuisa?

Mvutu yaye

Ndaga jidi mu video: “Wadilondega Gale Mukunda nu Lamba Diajiya Gubua mu Gisagumuisa ba?” Aphangi a mala adi mutshita mudimo wa gutunga ha gukuatesa aphangi abuila malamba, nu adi muzola ima mu gamiyo.

Luholo lutshi tuajiya gudilondega ha gukuatesa athu ako?

Mvutu yaye