Tukudise Luholo Luetu lua Gulongesa Mbimbi ya Nzambi​—Kuatesa Athu ‘Adi nu Mitshima Yatagana’ ha Gubua Alandudi

MUKUNDA NATSHI IDI NU NDANDO: Yehowa wana gukuatesa athu adi nu ‘mitshima yatagana ha guheta monyo wa mayilago’ hagula giamatshidia gikule mu mitshima yawo. (Makal 13:48; 1Kol 3:7) Tuana gukalagala hamoshi nu Yehowa tangua tuana gudihana muavula ha gukuatesa athu adi mutshigina gulonguga. (1Kol 9:26) Alongogi a Biblia adi naye gujiya egi ha guheta monyo wa mayilago, adi naye gubatijiwa. (1Phet 3:21) Ha guaakuatesa, tuana guaawambela egi adi naye gusombegesa makalegelo awo, adi naye gulongesa mbimbi ya Nzambi, nu adi naye gudihana gudi Yehowa nu gubatijiwa.​—Mat 28:19, 20.

LUHOLO LUA GUYIKAGALA:

• Wunguluisa athu wana gulongesa Biblia egi, ana gulonguga Biblia hagula yaakuatese ha ‘gujiya’ Yehowa nu ha gumusuanguluisa.​—Yone 17:3

• Akuatese ha gukula mu nyuma hagula akhale atagana ha gutuna mafuta abola nu ha gutuna gutshita ndaga jiabola

• Gutuama dia gubatijiwa guawo, ahane gikhesa; landula nji guaahana gikhesa gungima dia gubatijiwa guawo.​—Makal 14:22

TALENU VIDEO IDI NU MUTO WA LUMENE EGI, YEHOWA NZAMBI MBAWUGUKUATESA, GUNGIMA HANENU MVUTU GU MIHU EYI:

• Woma watshi wajiya gukanga muthu njila ya gudihana gudi Yehowa nu gubatijiwa?

• Luholo lutshi akulu ajiya gukuatesa athu adi mulonguga Biblia hagula akule mu nyuma?

• Yeshaya 41:10 idi gutulongesa itshi mukunda nu Yehowa?

• Makalegelo atshi ajiya gutukuatesa ha gukombelela Yehowa mu luholo luabonga ngatshima esue tushigo athu atagana?