Chapter 14
Yu Mas Luksavvy Long Paoa Bilong Hu?
1, 2. Waswe, every different way for garem paoa they spoelem man? Meanim diswan.
“PAOA BILONG MAN” hem wanfela toktok wea planti pipol nating laekem. Yumi meanim why nao olsem, from planti taem pipol use-im paoa long rongfela way—olsem boss bilong work, insaed long famili, and long gavman. Dastawe, Bible hem say: “Man hem bossim narafela man and spoelem hem.” (Ecclesiastes 8:9) Tru nao, planti pipol they bossim otherfela pipol taem they duim raf samting and samting for olketa seleva nomoa.
2 But no every way for garem paoa hem spoelem man. For example, yumi savvy say body bilong yumi garem paoa ovarem yumi. Hem “givim order” long yumi for breathe, kaikai, drink, and sleep. Waswe, datwan hem hard tumas? No moa. For obeyim olketa order bilong body hia bae helpem yumi. Nomata way for duim olketa samting wea body needim hem samting wea yumi no tingim taem yumi duim, but samfela other kaen paoa stap wea yumi mas willing for stap under long them. Tingim samfela example.
MAN WEA GAREM PAOA EVERY BIT
3. Why nao Jehovah fit for garem disfela nem “Sovereign Lord”?
3 Winim 300 taem insaed long Bible, they kolem Jehovah, “Sovereign Lord.” Wanfela sovereign hem man wea garem paoa every bit. Wanem nao mekem Jehovah fit for garem nem olsem? Revelation 4:11 hem ansa olsem: “Yu nao fit, Jehovah, God bilong mifela, for kasem glory and honor and paoa, from yu create-im every samting, and from will bilong yu nao every samting hia they stap and kamap firstaem.”
4. Hao nao Jehovah choose for use-im paoa bilong hem?
4 Olsem Creator bilong yumi, Jehovah hem fit for use-im paoa bilong hem long way wea hem choose for duim. Diswan maet mekem yumi fraet taem yumi tingim hao God garem “staka paoa.” Hem garem nem “Olmaeti God”—wanfela word long Hebrew langwis wea meanim barava bigfela strong. (Isaiah 40:26; Genesis 17:1) Nomata olsem, Jehovah showim aot strong bilong hem long kaenfela way, from main fashion bilong hem nao love.—1 John 4:16.
5. Why nao hem no hard for stap under long paoa bilong Jehovah?
5 Nomata Jehovah givim warning hao hem bae panisim olketa wea duim rong wea no repent, Moses savvy long hem firstaem olsem “trufela God, datfela faithful God, wea keepim covenant and loving-kaeness for olketa wea love-im hem and olketa wea obeyim olketa komandment bilong hem.” (Deuteronomy 7:9) Tingim datwan! Man Wea Garem Paoa Every Bit long universe no force-im yumi for servim hem. But, love bilong hem nao pullim yumi for go long hem. (Romans 2:4; 5:8) Way for stap under long paoa bilong Jehovah hem samting wea yumi hapi for duim, from olketa law bilong hem they barava helpem yumi everytaem.—Psalm 19:7, 8.
6. Hao nao kwestin abaotem paoa hem kamap insaed long gaden bilong Eden, and wanem nao kamaot from datwan?
6 Firstfela dadi and mami bilong yumi they rejectim rul bilong God. They want for decide-im seleva wanem samting hem gud and bad. (Genesis 3:4-6) From datwan, hem raosem them from Paradaes hom bilong them. Bihaen, Jehovah letem olketa man for mekem different kaen way for garem paoa for keepim order, but long way wea no perfect. Wanem nao samfela long olketa paoa hia, and long wanem way nao God wantim yumi for stap under long them?
“OLKETA WEA GAREM PAOA WEA MOA HAE”
7. Hu nao “olketa wea garem paoa wea moa hae,” and position bilong them hem waswe long paoa bilong God?
7 Aposol Paul hem raet olsem: “Every soul mas stap under long olketa wea garem paoa wea moa hae, from no any paoa hem stap sapos God hem no letem.” Hu nao “olketa wea garem paoa wea moa hae”? Olketa toktok bilong Paul long olketa verse bihaen long diswan show aot they olketa gavman bilong man. (Romans 13:1-7; Titus 3:1) Jehovah hem no startim olketa gavman bilong man, but hem letem rul bilong them for stap. So Paul fit for raet olsem: “Olketa paoa bilong distaem stap long ples wea God letem them for stap.” Wanem nao toktok hia show aot abaotem paoa wea olketa man garem long disfela earth? Hem stap under, or no winim paoa bilong God. (John 19:10, 11) So, taem wanfela law bilong man hem againstim wanfela law bilong God, olketa Kristian mas followim conscience bilong them wea Bible trainim. They “mas obeyim God olsem ruler, winim man.”—Acts 5:29.
8. Hao nao yu kasem gudfela samting from olketa wea garem paoa wea moa hae, and hao nao yu savvy show aot yu stap under long them?
8 But, planti taem, olketa gavman bilong man they olsem ‘minister bilong God for yumi for gudfela samting for yumi.’ (Romans 13:4) Long wanem way? Well, tingim planti samting wea gavman provide-im, olsem post office, police and fire station, tekem rabis, and education. “Dastawe yufela tu payim olketa tax,” Paul hem raet, “from they olketa pablik servant bilong God wea duim disfela samting.” (Romans 13:6) Long saed bilong tax or other samting wea law askim, yumi mas “duim every samting long honest way.”—Hebrews 13:18.
9, 10. (a) Hao nao olketa wea garem paoa wea moa hae they insaed long arrangement bilong God? (b) Why nao hem rong for againstim olketa wea garem paoa wea moa hae?
9 Samfela taem, olketa wea garem paoa wea moa hae they use-im paoa bilong them long rongfela way. Waswe, diswan mekem yumi free from responsibility bilong yumi for stap under long them? No moa nao. Jehovah lukim olketa badfela samting wea olketa wea garem paoa hia they duim. (Proverbs 15:3) Way wea hem letem rul bilong man for stap hem no meanim hem hapi long raverave rul bilong them; and hem no wantim yumi for duim sem samting. Tru nao, klosap nao God bae “smasem and finisim every kingdom hia,” and change-im them withim rul bilong raeteous gavman bilong hem. (Daniel 2:44) But go kasem datfela taem, olketa wea garem paoa wea moa hae they duim samfela samting for helpem pipol.
10 Paul hem say: “Man wea againstim olketa wea garem paoa hem againstim datfela arrangement bilong God.” (Romans 13:2) Olketa wea garem paoa wea moa hae they “arrangement” bilong God long way wea they keepim order, wea stopem every samting for olabaot. Way for againstim them hem no fitim olketa scripture and hem no gud tingting. For example: Tingim sapos doctor katem yu and hem sewim ples wea hem katem withim olketa stitch. Nomata olketa stitch hia they no part bilong body, they garem work for duim for lelebet taem. Sapos yu aotem them kwiktaem, diswan savvy spoelem yu. Long sem way tu, olketa gavman bilong man they no part bilong firstfela purpose bilong God. But, go kasem taem wea Kingdom bilong hem bae garem paoa ovarem whole earth, gavman bilong man bossim living bilong olketa man, and duim work wea fitim will bilong God for distaem. So, yumi mas go ahed for stap under long olketa wea garem paoa wea moa hae, taem yumi go ahed for putim law and rul bilong God olsem firstfela samting.
PAOA INSAED LONG FAMILI
11. Hao nao bae yu meanim principle bilong hedship?
11 Famili nao hem main part long living bilong olketa man. Insaed long hem, wanfela hasband and waef savvy garem gudfela way for fren and stap tugeta, and olketa pikinini savvy kasem protection and training for kamap full-grown man. (Proverbs 5:15-21; Ephesians 6:1-4) Nambawan arrangement olsem need for organize for mekem olketa famili member fit for stap long peace and wan mind. Jehovah hem duim diswan thru long principle bilong hedship, wea stap long 1 Corinthians 11:3: “Hed bilong every man hem Kraest; hed bilong woman hem man; and hed bilong Kraest hem God.”
12, 13. Hu nao hed bilong famili, and wanem nao hem savvy learnim from hedship bilong Jesus?
12 Hasband nao hem hed bilong famili. But, hem tu garem hed—Jesus Kraest. Paul hem raet: “Olketa hasband, go ahed for love-im waef bilong yufela, olsem Kraest tu hem love-im kongregeson and givim laef bilong hem for kongregeson.” (Ephesians 5:25) Hasband hem showim aot way wea hem stap under long Kraest taem hem deal withim waef long sem way wea Jesus deal withim kongregeson everytaem. (1 John 2:6) Jesus kasem bigfela paoa, but hem showim aot diswan long barava kaenfela way, withim love, and balance fashion. (Matthew 20:25-28) Taem hem man, Jesus nating use-im paoa long rongfela way. Hem “garem kwaet fashion and humble long heart,” and hem kolem olketa follower bilong hem olketa “fren” winim way for say they olketa “slave.” Hem promisim them, “Mi nao bae strongim yufela,” and datwan nao samting wea hem duim.—Matthew 11:28, 29; John 15:15.
13 Example bilong Jesus teachim olketa hasband abaotem hao position bilong Kristian hed hem no for rul long raf-fela way. But, hem position bilong respect and way for sakrifaesim seleva withim love. Diswan meanim man mas nating duim or talem samting wea spoelem partner bilong hem. (Ephesians 4:29, 31, 32; 5:28, 29; Colossians 3:19) Sapos wanfela Kristian man hem deal withim waef bilong hem long no gud way, olketa otherfela gudfela work bilong hem bae useless nao, and diswan bae stopem olketa prayer bilong hem.—1 Corinthians 13:1-3; 1 Peter 3:7.
14, 15. Hao nao savvy bilong God helpem waef for stap under long hasband bilong hem?
14 Taem wanfela hasband hem followim example bilong Kraest, hem moa easy for waef bilong hem for followim olketa toktok bilong Ephesians 5:22, 23: “Letem olketa waef stap under long hasband bilong them olsem long Lord, from hasband hem hed bilong waef bilong hem olsem Kraest tu hem hed bilong kongregeson.” Olsem hasband mas stap under long Kraest, waef tu mas stap under long hasband bilong hem. Bible talemaot klia hao olketa gudfela waef fit for kasem honor and praise for wisdom wea they garem wea kam from God and hard work bilong them.—Proverbs 31:10-31.
15 Kristian waef hem no stap under long hasband bilong hem every bit. Diswan meanim hem mas obeyim God winim man sapos wanfela samting wea kamap hem againstim law bilong God. Nomata olsem, way wea waef hem saed withim law bilong God hem mas withim “kwaet and humble spirit.” Hem mas show aot klia hao savvy bilong God hem mekem hem kamap wanfela beta waef. (1 Peter 3:1-4) Sem samting hem fitim tu wanfela Kristian man wea waef bilong hem no believe. Way wea hem followim olketa Bible principle mas mekem hem kamap wanfela beta hasband.
16. Hao nao olketa pikinini savvy followim example bilong Jesus taem hem youngfela man?
16 Ephesians 6:1 talemaot work bilong pikinini, hem say: “Yufela mas obey long dadi and mami bilong yufela insaed long Lord, from hem nao raeteous fashion.” Olketa Kristian pikinini followim example bilong Jesus, wea go ahed for stap under long dadi and mami bilong hem taem hem grow ap. From hem wanfela boy wea obey, hem “go ahed for kamap gud long wisdom and long body and hem stap gud long eye bilong God and olketa man.”—Luke 2:51, 52.
17. Way wea dadi and mami showim aot paoa bilong them savvy affectim pikinini bilong them long wanem way?
17 Way wea dadi and mami deal withim olketa responsibility bilong them savvy affectim hao pikinini bilong them bae respectim or againstim olketa wea garem paoa. (Proverbs 22:6) So hem gud for dadi and mami for askim themseleva, ‘Waswe, mi showim aot paoa bilong mi long loving or raf way? Waswe, mi letem them nomoa for duim any kaen samting?’ Dadi or mami wea followim God mas showim aot love and tingim feeling, but long sem taem mas strong for followim olketa principle bilong God. Dastawe, Paul hem raet: “Yufela, olketa dadi, no mekem olketa pikinini bilong yufela kros [wea really meanim, ‘duim samting wea mekem them kros’], but go ahed for stretem tingting bilong them and givim discipline bilong Jehovah.”—Ephesians 6:4; Colossians 3:21.
18. Hao nao dadi or mami mas givim discipline?
18 Dadi and mami mas lukluk gud long olketa way wea they trainim pikinini, diswan hem moa tru sapos they wantim pikinini bilong them for obey and mekem them hapi. (Proverbs 23:24, 25) Insaed long Bible, main way for givim discipline hem for givim instruction. (Proverbs 4:1; 8:33) Hem join withim love and kwaet fashion, no withim kros and raf fashion. Dastawe, Kristian dadi and mami need for duim samting long way bilong wisdom and for bossim olketa seleva taem they givim discipline long pikinini bilong them.—Proverbs 1:7.
PAOA INSAED LONG KONGREGESON
19. Wanem nao God provide-im mekem every samting followim gudfela order insaed long Kristian kongregeson?
19 From Jehovah hem God bilong order, fitim hem for provide-im way wea organize gud for leadim pipol bilong hem. So, hem appointim Jesus olsem Hed bilong Kristian kongregeson. (1 Corinthians 14:33, 40; Ephesians 1:20-23) Under long lead bilong Kraest long heven, God mekem wanfela arrangement wea olketa elder wea they appointim long each kongregeson they shepherdim olketa sheepsheep long willing and loving way. (1 Peter 5:2, 3) Olketa ministerial servant helpem them long samfela different way and serve long gudfela way insaed long kongregeson.—Philippians 1:1.
20. Why nao yumi mas stap under long olketa Kristian elder wea kasem appointment, and why nao diswan helpem yumi?
20 For olketa Kristian elder, Paul hem raet: “Obeyim olketa wea leadim yufela and stap under long them, from olketa luk aftarem soul bilong yufela olsem olketa wea bae givim ansa; mekem olketa hapi for duim diswan and no sorry, from datwan bae spoelem yufela.” (Hebrews 13:17) Long wisefela way, God givim responsibility long olketa Kristian ovaseer for luk aftarem spiritual need bilong olketa insaed kongregeson. Olketa elder hia they no olsem wanfela sekson wea they bigman. They olketa servant and slave bilong God, wea minister for need bilong olketa brata bilong them, olsem Master bilong yumi, Jesus Kraest, hem duim. (John 10:14, 15) From yumi savvy olketa man wea fit long saed bilong Scripture they interest long way wea yumi muv ahed and grow long spiritual way, diswan encouragim yumi for work withim them and stap under long them.—1 Corinthians 16:16.
21. Hao nao olketa elder wea kasem appointment they helpem olketa Kristian brata bilong them long spiritual way?
21 Samfela taem, olketa sheepsheep maet start for go-go different or stap long danger from olketa samting bilong world. Under long lead bilong Nambawan Shepherd, olketa elder wea work olsem shepherd under long hem they lukluk for need bilong olketa wea they luk aftarem and work hard for helpem each wan. (1 Peter 5:4) They visitim olketa member bilong kongregeson and encouragim them. From they savvy Devil hem trae hard for spoelem peace bilong pipol bilong God, olketa elder showim aot wisdom wea kam from God taem they deal withim any problem. (James 3:17, 18) They work hard for keepim wan mind and faith, wea Jesus seleva askim long prayer.—John 17:20-22; 1 Corinthians 1:10.
22. Wanem help nao olketa elder savvy givim taem samwan hem duim rong samting?
22 Waswe sapos wanfela Kristian hem suffer long badfela samting or hem weak daon from hem duim wanfela sin? Gudfela kaonsel bilong Bible and olketa strongfela prayer bilong olketa elder for hem savvy helpem hem for kamap gud moa long spiritual way. (James 5:13-15) Olketa man hia, wea holy spirit nao appointim, they garem paoa tu for givim discipline and reprove-im anywan wea duim wanfela rong samting or wea mekem danger kamap for kongregeson long spiritual way and long saed bilong fashion. (Acts 20:28; Titus 1:9; 2:15) For mekem kongregeson stap klin, samfela maet need for reportim bigfela rong wea wanfela hem duim. (Leviticus 5:1) Sapos wanfela Kristian wea duim wanfela bigfela sin hem acceptim discipline and reproof bilong Scripture and show aot hem really repent, hem bae kasem help. But, olketa wea go ahed for brekem law bilong God and no repent bae they disfellowship.—1 Corinthians 5:9-13.
23. Wanem nao olketa Kristian ovaseer provide-im for helpem kongregeson?
23 Bible hem profesi abaotem hao under long Jesus Kraest olsem King, olketa man wea mature long spiritual way bae kasem appointment for comfortim, protectim, and strongim pipol bilong God. (Isaiah 32:1, 2) They bae lead long work for preach, for olsem shepherd, and teacher for helpem olketa grow long spiritual way. (Ephesians 4:11, 12, 16) Nomata samfela taem olketa Kristian ovaseer they givim reproof, discipline, and kaonselem olketa brata, way for followim gudfela teaching hia wea garem faondeson long Word bilong God bae help for keepim everywan long road bilong laef.—Proverbs 3:11, 12; 6:23; Titus 2:1.
ACCEPTIM TINGTING BILONG JEHOVAH ABAOT OLKETA WEA GAREM PAOA
24. Wanem kaen test nao yumi kasem everyday?
24 Firstfela man and woman they kasem test long way for stap under long olketa wea garem paoa. Everyday yumi face-im wanfela sem kaen test. Satan hem mek hae long spirit for no obey midlwan long olketa man. (Ephesians 2:2) Hem mekem way for independent luk olsem hem moabeta winim way for stap under.
25. Wanem nao olketa gudfela samting wea kamaot from way for rejectim spirit bilong world for no obey and for stap under long paoa bilong God or olketa wea hem letem for garem paoa?
25 But, yumi mas rejectim disfela spirit bilong world for no obey. Sapos yumi duim olsem, yumi bae lukim hao way for stap under long God hem bringim nambawan reward. For example, yumi bae no garem olketa worry and no gud samting wea olketa wea mekem trabel withim gavman they kasem. Yumi bae daonem way for rowa wea big tumas long planti famili. And yumi bae enjoyim gudfela way for kampani withim olketa Kristian brata bilong yumi. Winim every samting, way wea yumi stap under long God bae mekem yumi fren gud withim Jehovah, Man Wea Garem Paoa Every Bit.
TESTIM SAVVY BILONG YU
Hao nao Jehovah use-im paoa bilong hem?
Hu nao “olketa wea garem paoa wea moa hae,” and hao nao yumi go ahed for stap under long them?
Wanem responsibility nao each famili member hem garem insaed long principle bilong hedship?
Hao nao yumi savvy showim aot way for stap under insaed long Kristian kongregeson?
[Box long page 134]
STAP UNDER, NO AGAINSTIM
Thru long pablik preaching work bilong them, olketa Jehovah’s Witness point go long Kingdom bilong God olsem only hope bilong olketa man for kasem trufela peace and safe living. But olketa hia wea strong for talemaot Kingdom bilong God they no againstim olketa gavman wea they stap under long them. Olketa Witness nao olketa citizen wea barava showim aot respect and obeyim olketa law. “Sapos every religion they olsem olketa Jehovah’s witness,” wanfela bigman long wanfela kantri long Africa hem say, “yumi bae no garem anywan wea killim dae narafela man, man wea steal, fashion for brekem law, olketa prisoner and atomic bomb. No anywan need for lockim door everytaem.”
From they luksavvy long diswan, olketa bigman long planti kantri letem preaching work bilong olketa Witness go ahed. Long otherfela kantri, they aotem tambu long disfela work taem olketa bigman luksavvy hao olketa Jehovah’s Witness duim gudfela samting for helpem pipol. Hem olsem samting wea aposol Paul hem raetem abaotem way for obeyim olketa wea garem paoa wea moa hae: “Go ahed for duim gudfela samting, and yufela bae kasem praise for diswan.”—Romans 13:1, 3.