Deep Study Bae Helpem Iumi for Gohed Lukaot

Readim Daniel 9:​1-19 for savve why hem important for duim deep study.

Lukluk lo context blo story. Wat nao samfala samting wea just happen lo datfala taem, and hao nao hem affectim Daniel? (Dan. 5:29–6:5) If iu nao Daniel, hao nao bae iu feel?

Duim samfala research moa. Olketa wat kaen “holy buk” nao Daniel iusim for duim research lo datfala taem? (Dan. 9:​2, ftn.; w11 4/1 30 ¶2) Why nao Daniel confessim sin blo hemseleva and sin blo full nation blo Israel? (Lev. 26:​39-42; 1 Ki. 8:​46-50; dp 182-184) Hao nao prea blo Daniel showim hem man for duim deep study lo Word blo God?—Dan. 9:​11-13.

Luksavve lo wat nao leson. Askem iuseleva:

• ‘Wat nao mi savve duim mekem olketa event lo disfala world no distractim mi?’ (Mic. 7:7)

• ‘Wat nao samfala benefit wea mi bae kasem taem mi duim deep study lo Word blo God olsem Daniel?’ (w04 8/1 12 ¶17)

• ‘For personal study, wat nao samfala topic wea mi savve studyim for helpem mi for “gohed for lukaot”?’ (Matt. 24:​42, 44; w12 8/15 5 ¶7-8)