Kamap Gud Long Ministry—Redyim Introduction
Why Hem Important: Sapos man no interest long wanem iumi storyim firstaem, maet hem no laek for gohed herem wanem iumi preach abaotem. So iumi luksavve introduction hem barava important part long story bilong iumi. Long Kingdom Ministry Bilong Iumi and long Hao for Startim and Go Ahed for Story Abaotem Bible buklet, iumi garem samfala idea for startim story. From olketa idea hia no evritaem storyim evri samting for talem, iumi savve storyim samting wea fitim haosholder. Olketa pablisa savve iusim olketa idea hia, changem lelebet, or redyim story bilong olketa seleva. Haosholder bae interest taem iumi redyim gudfala introduction winim wei for talem nomoa wanem iumi tingim taem iumi meetim hem.—Prov. 15:28.
Samting for Duim Disfala Month:
Long taem bilong famili worship, iusim lelebet taem for redyim introduction and practicem datwan.
Taem iu long ministry, storyim long olketa nara pablisa wanem iu laek talem long introduction bilong iu. (Prov. 27:17) Sapos iu luksavve introduction bilong iu no mekem haosholder for interest, hem gud for changem datwan.