¿Naeʼ gaʼ ʼauenapéga janʼ Biblia ʼam?

DIʼ ʼENAPÉGA JANʼ BIBLIA

«Qáʼa ỹiméda nauaʼ nidiiʼs lʼaqtaqa ñiʼ Dios» (2 Timoteo 3:16, Dios Nivíta Jen’ Siỹaxadipi).

TÁʼNOOCHE NʼÓOTA DAʼ SAỸÁTENAQ DÓJOʼ

ʼAnỹañoxot náajoiʼ daʼ ỹʼateeta naʼ tʼádaiqa nenataxanaco daʼ chaalataxac (Proverbios 2:1-5).

ʼAnỹauécta naʼ noloxoʼte daʼ ʼanachaalataxac (Salmo 119:105).

ʼUo daʼ ỹáche qadasoxónataxanaxac nátauo (Romanos 15:4).

¿QOʼ ỸISET DAʼ ỸÁCHI SʼAMAQTÉNAQ JENʼ ʼENAAC JANʼ BIBLIA?

ʼÉeta, tresolqa náajoiʼ, ʼuo jenʼ laỹi:

•  Sa ỹiset daʼ nemenaʼt. Janʼ Biblia ỹidídiñi soʼ nadíiʼta daʼ 40 siỹaxadipi soʼme 1600 ʼuoidi daʼ ledáxanaxac. Temaqaidi daʼ lamaiʼ saaʼme sa naatetonaʼt, janʼ Biblia ʼuana nemenaʼt qataxa ʼoonolec diʼ qolapaxaqatapiñi.

•  Qaỹa ʼte ỹoxochiñi soʼ dedáxatac. Naʼ ỹidápiñi jenʼ nʼaqtaxanaxac ỹiset daʼ ỹoxochidíñi naʼ lasouaxac jenʼ lʼacháqaʼte. Qaláxasa, soʼ ỹidídiñi janʼ Biblia sa ỹoxochidíñi naʼ maiʼchi lesamaxataxaco soʼ maiʼchi nación (2 Crónicas 36:15, 16; Salmo 51:1-4).

•  Naʼ ỹʼaxátʼaeta naʼchi ʼeetaʼt ỹipaquíchidiñi. Sóxote ỹapágueegue soʼ 700 ʼuóidi caʼlioʼ janʼ Biblia ỹʼaxátʼaguet daʼ soʼ Mesías niỹíʼña diʼ Belén, diʼme noic lecʼóxot náʼña diʼ ʼaléua Judá (Miqueas 5:2). ¿Naeʼ gaʼ ỹáchi niỹíʼña soʼ Jesús? ¡Naʼchidi diójoʼ noic! (Mateo 2:1-6).

  ʼUom saaʼ laqáỹaʼ qoỹʼaxátʼaeta janʼ Biblia naʼchi ʼenáʼam diʼỹoʼt ỹima naaʼ qapíi nʼaqtaqa. Qalóʼo, ¿qoʼ ʼuana naqaida daʼ qodasótaaque daʼ Dios Lʼaqtac? (2 Pedro 1:21).