¿Qoʼ ʼuo gaʼ noloʼ daʼ qaỹa daʼ qadachoxodec?

DIʼ ʼENAPÉGA JANʼ BIBLIA

«Ñiʼme Dios [...] ỹiỹoiʼ ʼenaʼuaque nauaʼ láchiʼ jenʼme. Huáʼa, qanaʼchi sa ỹitaxa daʼ ỹileu gaʼ siỹaxaua, qataxa sa ỹitaxa noỹíitac ʼuootaxa daʼ nʼalqátañi, ʼuootaxa daʼ ʼuo daʼ laỹaliaxa» (Apocalipsis 21:3, 4, Dios Nivíta Jen’ Siỹaxadipi).

TÁʼNOOCHE NʼÓOTA DAʼ SAỸÁTENAQ DÓJOʼ

Ỹʼoqóchiỹi saỹátenaq qomle daʼ ñiʼ Dios ʼuana chiỹoqoʼot daʼ qancótaxac (Santiago 1:13).

Qoʼmi ỹʼañaqtet qomle daʼ saỹátenaq daʼ ñiʼ Dios ỹaỹáten daʼ qadaỹaliaxa (Zacarías 2:8).

ʼUo daʼ qadasoxónataxanaxac qomle jenʼme nátauo qaỹa ʼte yaʼuo daʼ qadachoxodec (Salmo 37:9-11).

¿QOʼ ỸISET DAʼ ỸÁCHI SʼAMAQTÉNAQ JENʼ ʼENAAC JANʼ BIBLIA?

ʼÉeta, dosolqa náajoiʼ, ʼuo jenʼ laỹi:

•  Ñiʼ Dios sa ỹisiquianáʼa daʼ nachoxodec qataxa daʼ naqalouaxa. ¿Naeʼ gaʼ nomtʼeguet ñiʼ Jehová caʼlioʼ soʼ toisec daʼ sa qoỹichoxoden soʼ ỹilotalégue? Janʼ Biblia ʼenaac macoʼ daỹali daʼ ỹicʼatéetac soʼ naciones laỹi «daʼ ỹamaqátapiñi» soʼ leloisecpi (Jueces 2:18).

  Ñiʼ Dios sa ỹiỹamaxaden jenʼ siỹaxadipi ʼme ỹaʼuo daʼ lachoxodec jenʼ laỹi. Salóqtenaxanaxa, janʼ Biblia ʼenaac niquiỹáʼalo «naaʼ nouaʼ ʼme ỹicodédeegue janʼ netauoʼ qaỹa ʼte ỹaỹáten» (Proverbios 6:16, 17).

•  Ñiʼ Dios ỹitenáʼa naʼ ʼoonolqatʼape jenʼ siỹaxaua. Temaqaidi daʼ ʼauenapéga ʼam ʼoonolec daʼ ʼauamaxac «daʼ ʼadaỹaliaxa qataxa daʼ ʼadachitataic», qamaaʼle ʼeetʼoi ñi’ Jehová na’chi ’ená’am ỹaỹáten dójo’ (2 Crónicas 6:29, 30).

  Ñiʼ Dios ỹamtaaʼle ʼen qaỹa daʼ lachoxodec naʼ ʼoonolqatʼape siỹaxadipi chiỹaqaỹi daʼ Lʼonataxanaxac Ñiʼme (Mateo 6:9, 10). Naỹi qanaʼchi chiliaxa ỹʼañaqtetauc ỹima jenʼ chiỹoqóchinỹet janʼ liquidiaqte daʼ ỹiláʼaque ñiʼme (Hechos 17:27; 2 Corintios 1:3, 4).