¿Naeʼ gaʼ ỹáchi dʼonataxatac jenʼ ʼaléua?

DIʼ ʼENAPÉGA JANʼ BIBLIA

«Jenʼ siỹaxadipi laỹi ʼme huetalégue jenʼ ʼaléua ỹima huetʼot daʼ lʼañaxac soʼ paiỹac qadóʼo» (1 Juan 5:19, Dios Nivíta Jen’ Siỹaxadipi).

«Chanʼeesa soʼ lecʼóxot ñiʼ Dios janac daʼ qaidi noláxachiñi ỹima jenʼme lʼonatacpi jesoʼme [paiỹac qadóʼo]» (1 Juan 3:8).

TÁʼNOOCHE NʼÓOTA DAʼ SAỸÁTENAQ DÓJOʼ

Ỹiset daʼ semacháxa qomle naʼ chiỹoqóchiiʼña daʼ cotaxac jenʼ ʼaléua (Apocalipsis 12:12).

Saỹátenaq qomle nóoʼchi daʼ ỹiset daʼ seuataqátaaque daʼ ʼónaxaic jenʼ ʼaléua (1 Juan 2:17).

¿QOʼ ỸISET DAʼ ỸÁCHI SʼAMAQTÉNAQ JENʼ ʼENAAC JANʼ BIBLIA?

ʼÉeta, tresolqa náajoiʼ, ʼuo jenʼ laỹi:

•  Daʼ lʼonataxanaxac soʼ Satanás sóxote sétaaque qoỹin qaỹa. Ñiʼ Jehová ỹʼatelégue daʼ ʼen qaỹa daʼ lamaxasóxonaac soʼ Satanás jenʼme siỹaxadipi. Ñiʼme ỹʼaxátʼaguet daʼ «noláxachiñi [...] jesoʼme qadóʼo paiỹac» qataxa nʼónaxat ỹima jenʼ sa nóʼin ʼme ỹaʼuo (Hebreos 2:14).

•  Ñiʼ Jesucristo naqaiñi ñiʼ Netʼa ỹiquetelégue caʼlioʼ ñiʼ Dios. Ñiʼ Jesús sa ʼenáʼam soʼ dʼonataxátac qalhuaxaic qataxa ʼuagáqaic ʼme damaxasóxonaac jenʼ ʼaléua naỹi. Náʼchi ʼenáʼam ñiʼ Dios ỹʼaxátʼaguet daʼ lʼonataxanaxac ñiʼ Cristo: «ʼUo daʼ lichoxodénataxanaxac gaʼ qaỹa ʼte ỹauana qataxa choxodaq [...]. Daʼme nʼonataxanaxac sa nóʼin daʼ naqalhuaxa necʼalaxatégue daʼ nachaalataxac» (Salmo 72:13, 14, Traducción del Nuevo Mundo).

•  Ñiʼ Dios sa ỹiset daʼ doqovínaxan. Janʼ Biblia sa coleelégue ʼenaac ʼme «sa ỹañoxot daʼ doqovínaxan ñiʼ Dios» (Hebreos 6:18). Chiỹaqáʼa daʼ ʼuo gaʼ ỹʼaxátʼaguet ñiʼ Jehová, qanaʼchi sauenáxa ʼeesa (Isaías 55:10, 11). Gaʼ ỹʼaxátʼaguet ʼme «qoỹamaxáiỹi jesoʼme damaxasóxonaac ʼme qadóʼo» (Juan 12:31).