¿Naeʼ gaʼ ʼauéetaaque daʼ sétaaque mátaac naʼ ʼadecʼóqoʼtepi?

DIʼ ʼENAPÉGA JANʼ BIBLIA

«¡Ỹátaqta ỹágueegue daʼ máchiiñi gaʼ naquiáxana daʼme lʼaqtac ñiʼ Dios qataxa ỹalaxaguet!» (Lucas 11:28, Dios Nivíta Jen’ Siỹaxadipi).

TÁʼNOOCHE NʼÓOTA DAʼ SAỸÁTENAQ DÓJOʼ

Sesomqalégue daʼ ỹátaqchiiñi nauotáqtaxanaxac (Efesios 5:28, 29).

Ỹáchi noqochaʼaʼt (Efesios 5:33).

Jenʼ qadaỹi ỹiỹamqáchiiñi (Marcos 10:6-9).

¿QOʼ ỸISET DAʼ ỸÁCHI SʼAMAQTÉNAQ JENʼ ʼENAAC JANʼ BIBLIA?

ʼÉeta, dosolqa náajoiʼ, ʼuo jenʼ laỹi:

•  Ñiʼ Dios ỹisóiñi daʼ necʼóxoʼchiỹaxac. Janʼ Biblia ʼenaac ñiʼ Jehová Dios «chiỹoqoʼot naʼ lenaxat jenʼme ỹodapecachi naỹipi» (Efesios 3:14, 15). Nʼaqtac laqáỹa, ʼuo naʼ necʼóqoʼtepi huáʼachi ñiʼ Jehová ỹíʼet caʼlioʼ. ¿Nóoʼchi ʼuo daʼ lasoʼvi dójoʼ?

  ʼAueelnata dójoʼ: Daʼ ʼauquétaxac ʼaualíctac gaʼ ʼónaxaic noxosec qanaʼchi sétaaque ʼauaỹáten soʼ lalʼgue, ¿naeʼ gaʼ ʼauenat daʼ ʼéeta? Naʼchigata gaʼ ỹíʼet soʼ noxosec.

  ʼEnáʼam sójoʼ, daʼ sétaaque ʼauaỹáten daʼ lasoxoc daʼ mátaac gaʼ ʼadecʼóqoʼtepi, daʼ ʼónaxaic daʼ ʼauenat ñiʼ Jehová ʼme naeʼgaʼ ỹaiñi (Génesis 2:18-24).

•  Qoʼmi ỹʼoxodáchii ʼen ñiʼ Dios. ʼAm qataxa ʼadecʼóqoʼtepi ʼónaxaic daʼ ʼauláaque janʼ Biblia naaʼme lapaxaguénataxanaco ñiʼ Jehová soʼ huáʼachi «jiñiʼme ỹátaqta ʼami ỹoqochaʼalo» (1 Pedro 5:6, 7). Ñiʼ Jehová ỹilótaaque daʼ ʼónaxaic daʼ qoʼmi. Qataxa naaʼ lʼaqtaqa naʼchi ʼeetaʼt diʼỹoq daʼ ʼónaxaic (Proverbios 3:5, 6; Isaías 48:17, 18).