Audepen Pali 14

Tepin Kristian ko lohkiseli rongamwahu en Wehio ong wasa doh kan nan sampah. Sises ketin kaweidkin irail wasa me irail pahn kalohk ie oh ni manaman e ketin kahrehiong irail en kak koasoiong aramas teikan ni pein arail lokaia. Siohwa ketikihong irail eimah oh kehl en powehdi kalokolok suwed kan.

Sises ketikihong wahnpoaron Sohn kasansal en sapwellimen Siohwa lingan. Nan pil ehu kasansal, Sohn kilangada Wehin nanleng eh kalowehdi Sehdan oh kauhdi douluhl en Sehdan kaunda. E kilangada Sises eh ketin kakaun nin duwen Nanmwarki oh meh 144,000 ko iang ih kakaun. Sohn pil kilangada sampah pwon eh wiahla paradais ehu wasa me aramas koaros kin kaudokiong Siohwa ni popohl oh miniminpene.