DAHME PAIPEL MAHSANIH?

Dahme kin wiawi ni ahnsou me kitail mehla?

EKEI ARAMAS KAMEHLELE me kitail kin momourte ni ehu soangen mwohmw, ah ekei kin kamehlele me mehla iei imwin mehkoaros. Dahme ke kamehlele?

DAHME PAIPEL MAHSANIH

“Me melahr akan sohte ese mehkot.” (Eklesiasdes 9:5) Ni ahnsou me kitail mehla, kitail sohla mie.

DAHME KITAIL PIL SUKUHLKIHSANG PAIPEL

• Tepin aramas Adam pwuralahng pwehl ni ahnsou me e mehla. (Senesis 2:7; 3:19) Duwehte, koaros me kin mehla kin pwuralahng pwehl.​—Eklesiasdes 3:19, 20.

• Aramas me kin mehla kin kohsang, de ale mahkpen, diparail kan. (Rom 6:7) Sohte pil ehu kalokolok ong dihp mwurin aramas men eh kin mehla.

Me melahr akan kak pwurehng mourda?

DAHME KE PAHN NDA?

• Ei

• Soh

• Mwein

DAHME PAIPEL MAHSANIH

“Aramas koaros . . . pahn iasada sang mehla.”​—Wiewia 24:15.

DAHME KITAIL PIL KAK SUKUHLKIHSANG PAIPEL?

• Paipel kin kalapw karasahiong mehla ong meir. (Sohn 11:11-14) Koht kak ketin pangenda me melahr kan, duwehte atail kak pangenda emen.​—Sohp 14:13-15.

• Paipel ntingihedi ekei koasoipen kaiasada kan, met kahrehda mie poahsoanpen koapworopwor mehlel me me melahr akan pahn pwurehng iasada.​—1 Nanmwarki 17:17-24; Luk 7:11-17; Sohn 11:39-44.