En Kaukaule Iang Kalohk
1 Kitail kin nantiong en iang kalohk ahnsou koaros? Kitail nantiong en mwadangete kapidelong neitail ripoht en kalohk nan Kingdom Hall ehu ehu sounpwong? Met mehkot kitail koaros anahne nantiong en wia, en dehr mweidong ehu sounpwong en nekla ahpw kitail saikinte kalohki atail pwoson.—Rom. 10:9, 10.
2 Kitail anahne en kaukaule iang kalohk oh kitail pil men sewese mehteikan en kaukaule iang kalohk. (Pilipai 2:4) Iaduwen kitail kak wia met? Kitail kak luhke sounkalohk kan me saikinte papidais me ahpwtehn iang kalohk en iang kitail kalohk. Koasoandi en kalohk me kin wiawi ahnsou koaros pahn sewese padahk mehlel en tengehdi nan mongiongarail.
3 En kaukaule iang kalohk. Loaloapwoatohng kapidelong noumwail ripoht en kalohk ehu ehu sounpwong. Sewese mehteikan en kaukaule iang kalohk. Kasalehda “limpoak ong riatail brother kan koaros.”—1 Piter 2:17.