Dahme Kumwail Pilahni en Wia Nan Summer?
1 E soh mehlel me ma kitail isaneki atail ahnsou mwahu kitail kak lel atail mehn akadei kan? Ahnsoun summer kin kihong kitail atail ahnsou mwahu en kekeirada atail pali ngehn. (Lepin Padahk 21:5) Ia ekei ahl kan?
2 Dahme ke soh pilahn en kalaudehla ahmw awahn kalohk nan summer? Nan sounpwong en summer kan, mie ahnsou laud me tohto pwehn kalaudehla arail ahnsou en kalohk. Kommoal en sukuhl kin kihong me pwulopwul arail ahnsou mwahu en auxiliary pioneer nan sounpwong ehu de tohtohsang. Pil mehteikan nan mwomwohdiso kak pilahn en auxiliary pioneer nan August pwe mie Rahn Kaunop limau oh Rahn Sarawi limau. Nan sounpwong en August, pwehki ih sounpwong me kin kaimwseklahn pahr en kalohk, kitail kak tehk ma sounkalohk koaros wia uwen me irail kak nan doadoahk en kalohk.
3 Ke men sewese ehu mwomwohdiso me karanih ahmw mwomwohdiso nan doadoahk en kalohk? Sounapwalih en Circuit kak padahkiong elder kan nan ahmw mwomwohdiso wasa kan me anahne sawas nan amwail wasa. De ma ke men kalohk nan wasa kan me sounkalohk sohte kalap kalohk ie de wasa kan me sounkalohk kan saikinte kalohk ie, ke kak idek rehn elder kan ma ke kak ale noumw doaropwe en kalohk wasa pwukat. Ma ke mweimweitla wasakis likin ahmw mwomwohdiso, pilahn en iang mihding koaros oh iang mwomwohdiso en wasao me ke mie kalohk. Ma ke mweimweitla rehn ahmw peneinei me saikinte iangala padahk mehlel, pilahn en ehukihong irail padahk mehlel.
4 Kitail anahne medemedewe laud duwen iang towehda Kapokon en District me oaralap koasoia “Ahl en Mour me Kaperenda Koht” nan summer. Tepida wiahda koasoandi pwehn kak kommoal sang doadoahk de sukuhl pwehn kak iang towehda kapokono rahn koaros. Koasoanehdi mehn peidaid mwadang.
5 Dahme kumwail pilahni en wia nan summer? Ei, mehlel, ke men kakommoale paliwaratail. Ahpw kitail en dehr manokehla en kakehlail atail pali ngehn ni atail pahn rapahki mahs Wehio nan atail mour.—Madiu 6:33; Episos 5:15, 16.