Kohpwahn Peidek
◼ Dahme kahrehda kitail anahne mwadang kapidelong neitail riport ni imwin sounpwong koaros?
Kitail koaros kin peren ahnsou me kitail kin rong soahng mwahu kan me kin pid atail doadoahk en kalohk. (Kilang Lepin Padahk 25:25.) Wiewia 2:41 ripohtki me mwurin ahn Piter padahk me kamwekidada aramas akan ni rahn en Pendekos, “mpen aramas silikid me pepdaisla.” Sohte pwand, irail me pepdaisla “tohtohla ele lel me limekid.” (Wiewia 4:4) Ia uwen kaperen soangen ripoht kan ong irail tepin Kristian kan! Kitail pil kin peren ahnsou me kitail kin rong ripoht mwahu kan rahnwet. Kitail kin perenki rong me riatail kan kin pweida nan arail doadoahk en kalohki rongamwahu sampah pwon
Pwehki brother kan kin kihda ahnsou laud oh pil doadoahk laud en kapatpene ripoht kan, e pahn pwung ma emen emen sounkalohk en wia uwen me e kak en sewese brothero me kapatpene ripoht kan. Ke kin mwadang kapidelong noumw ripoht ni imwin sounpwong koaros?
Ripoht me kin kasalehda kekeirada kan kin kihong kitail peren laud. Oh pil, ripoht kan kin sewese Society en tehk ma doadoahk en kalohk en sampah pwon. Society pil kin anahne kasawihada iawasa kin anahne sawas oh soangen pwuhk dah kan oh ia uwen tohto pwuhk kan irail en wiahda. Elder kan nan ehu ehu mwomwohdiso kin kasawihada ripoht en mwomwohdiso pwehn tehk duwen anahn en mwomwohdiso. Ripoht mwahu kan kin kangoange kitail koaros, oh kin kamwekid kitail koaros en kasawihada pein atail doadoahk pwehn kamwahuiala.
Sounkalohk koaros anahne en wehwehki pein arail pwukoah en kapidelong neirail ripoht ni imwin sounpwong koaros. Irail me kin wia onop en pwuhk study en mwomwohdiso (Bookstudy conductors) kak en katamankin sounkalohk kan arail pwukoah en kapidelong neirail ripoht, pwehki irail me kin sewese sounkalohk kan en iang kalohk kaukaule. Mehn kataman wet pahn wiawi ni imwin sounpwong koaros. Ma sounkalohk kan sohte kak kapidelong neirail ripoht nan Kingdom Hall, re kak kihong irail me kin wia onop en book study kan oh brothero pahn uhd kihong secretary en mwomwohdiso.
Atail nannanti en lelepek nin duwen atail kin mwadang kapidelong neitail ripoht kan pahn kamengeila doadoahk en irail brother kan me kin nsenohki atail pali ngehn.