Seri Kan—Kumwail Iei Utupen At Peren!
1 Kisin pwutak oh serepein kan, kumwail wehwehki me kehkelik en Siohwa iei me kumwail en iang kisehn wiewia kan en mwomwohdiso? (Deu. 31:12; Mel. 127:3) E kin kaperen amwail kin iang kiht kaudok ong Siohwa! Mohngiongat kin peren ni amwail kin mwohndi nennenla nan mihding oh kin rong kanaieng padahk kan. Se kin keiou perenki amwail kin songosong en kihda pasepeng kan ni pein amwail lokaia. Tohnmwomwohdiso pwon kin inenen peren ni ahnsou me kumwail kin wiahda amwail pwais kan nan Theocratic Ministry School, oh ni ahnsou me kumwail kin ngoangki iang kiht kalohk, oh ni ahnsou me se kin rong me kumwail kin eimah wie kadehde ong iengemwail tohnsukuhl kan oh amwail sounpadahk kan.—Mel. 148:12, 13.
2 Se men kumwail en ese me se kin pohnmwasohkin kumwail ni at kin kilang amwail tiahk mwahu, oh sonamwahu en mwomwemwail, oh amwail wiewia mwakelekel, oh amwail kin wauneki me mah kan. Aht peren kin keieu laud ni ahnsou me kumwail kin kasalehda me kumwail kin ‘tamanda Sounwiepomwail’ ni amwail kin wiahda amwail mehn akedei ngehnin kan.—Ekl. 12:1; Mel. 110:3.
3 Padahkihong Kiht Amwail Mehn Akedei Kan: Emen kisin pwutak me mahki sounpar waluh padahkihong emen soundoulik en district: ‘Keieu I men papidaisla, oh mwuri I men iang sawas nan mwomwohdiso ni ahi pahn sewese pelien keseng oh lokaia (sound) oh iang wahseli mehn lokaia (microphone), oh pil wia emen attendant, oh iang sawas ni wasahn pwuhk, oh wadek pwuhk en onop ni ahnsoun onop en pwuhk en mwomwohdiso oh wadek Watchtower ni onop en Watchtower kan. Oh mwuri I men wiahla emen ministerial servant, oh mwuri emen elder. I pil men wiahla emen pioneer oh oh iang sukuhl en pioneer. Mwuri I pil men kohla Bethel, oh wiahla emen soundoulik en circuit de district.’ Ia uwen kisin pwutak menet kasalehda ah kalahnganki kapai en papah Koht!
4 Ni omw kekeirada ni paliwar oh pali ngehn, se perenki kilang omw alehdi omw mehn akedei kan. (Kaparekiong Luk 2:52.) Ehu ehu sounpar, kumwail me kid kei kin wiahla sounkalohk kan me saikinte papidais oh mwuri kin warohng papidaisla nin duwen ladu inouda kei en Siohwa. At peren kin laudla ni at kin mwuhr kilang amwail kin auxiliary pioneer oh pil amwail pedolong nan doadoahk en kalohk kaukaule. Ni mehlel, seri kan, kumwail me iei at peren oh kumwail pil wia utupe kaselel ehu en kapinga samatail nanleng. Siohwa en ketin kapai kumwailda!—Lepin Padahk 23:24, 25.