Theocratic Nuhs

◼ Sounkadehdehn Siohwa kan registered (kileledier en wia arail kaudok nin duwen pelien lamalam ehu) nan Bulgaria ni October 7, 1998. Kitail men iang sounkalohk 946 wasao kalahngankihong Siohwa pwehki kekeirada wet.

◼ Ni October 12, 1998, koperment en Latvia mweidohng keieun mwomwohdiso 2 sang nanpwungen meh 21 nan sahpwo registration (en wia arail kaudok nin duwen pelien lamalam ehu).

◼ Mendahki uhwong kan, brother kan nan France dadaurete arail kalohkiseli Wehio. Nan November oh December, re kihpeseng brochure me oaralap koasoia A Book for All People pwehn kehsehki tohnsahpwo duwen Paipel. Mpen tohndoadoahk en Bethel 50 kosousang France oh kosoulahng Britain pwehn sawaski doadoahk en nting oh kadarpeseng brochure ko, nindoken luhwen peneinei en Bethel nan France oh brother kan me kin kalohk kin pousehlahte kalohk ni peren pahn irair kan me meleilei.