Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • km 12/99 p. 1
  • Ihs Men Onop Paipel Rehtail?

Sohte kasdo ong met

Kupwurmahk, mehkot sapwung en kihda kasdo

  • Ihs Men Onop Paipel Rehtail?
  • Atail Doadoahk ong Wehio—1999
  • Ire kan me Duwehte Met
  • Anahn—Tepida Pil Ekei Onop en Paipel Rehn Aramas akan
    Atail Doadoahk ong Wehio—2003
  • Kitail en Wia Sounpadahk kan, Kaidehn Ihte Sounkalohk kei
    Atail Doadoahk ong Wehio—1998
  • En Eimah Pwurehng Pwurala Rehn Aramas Akan
    Atail Doadoahk ong Wehio—1997
  • Ahl Limau en Diarada Emen Ken Onop Paipel Reh
    Atail Doadoahk ong Wehio—2012
Kilang Pil Ekei
Atail Doadoahk ong Wehio—1999
km 12/99 p. 1

Ihs Men Onop Paipel Rehtail?

1 Soukohp Eimwos kohpada me duhpek pahn wiawi nan sapwen Israel, “ahpw kaidehk duhpek en men kang pilawa, . . . kaidehk duhpek en pihl. . . Re pahn men tungoalehda oh nim ehu mahsen en sang rehn Kauno [“Siohwa,” New World Translation].” (Eimwos 8:​11) Pwehn sewese irail me men mwenge ni pali ngehn, sapwellimen Siohwa pwihn kin kihseli pwuhk tohto, brochure tohto, makasihn tohto oh doaropwe tohto nan sampah pwon.

2 Sangete mahs lel met, se wiahdahr pwuhken Knowledge meh rar pak 70 oh brochure Kupwurki meh rar pak 91. Ni atail kin doadoahngki pwuhk wet oh brochure wet en sewese aramas sukuhliki padahk mehlel, kitail kin kalahnganki iaduwen pwuhk wet oh brochure wet kin mengei en wehwehki oh kin lel mohngiong en tohnihmwo. Aramas tohto alehier neitail pwuhk kan oh brochure kan ahpw re saikinte tepida onop Paipel rehtail. Dahme kitail kak wia?

3 Tepiada Onop en Paipel Rehn Koaros me kin Ale Neitail Pwuhk kan oh Brochure kan! Nna, medewehla dahme wiawi ong emen brother ahnsou me e tuhwong emen lih ni imwen liho oh idek rehn liho ma e men onop Paipel. E mwadang ndaiong brothero me e men onop. Mwuhr, e ndaiong brothero, “Komwi me tepin aramas me idek rehi ma I men onop Paipel.” Nan pein ahmw wasa, aramas depe me kin naineki neitail pwuhk de brochure kan me kak pil nda dahme liho nda? Ehu ehu ahnsou me aramas kin ale neitail pwuhk de brochure, e kin kihong kitail ahnsou mwahu en pwurehng pwurala rehrail oh onop Paipel rehrail.

4 Pwehki kitail kin tuhwong aramas tohto me nainekiher neitail pwuhk oh brochure kan, iaduwen kitail kak sewese irail en sukuhliki dahme mihmi nan neitail pwuhk oh brochure kan? Emen Sounkadehde idek rehn tohnihmwo ma mie ah peidek kan me pid Pwuhk Sarawi, ahpw liho sapengki, “Soh.” Ahpw, sistero pwurehng wia peideko oh idek reh, “I lemeleme me uhdahn mie ahmw peidek.” Liho ndaiong sistero me mie ah peidek oh sister tepiada onop Paipel rehn liho. Dahme ke soh idek rehn tohnihmwo ma e men sukuhliki dahme Pwuhk Sarawi koasoia duwen peidek ehu de ire ehu me e kin nsenohki? Ahpw, ma peien sohte eh peidek, ke kak kaunopada peidek ehu. Soangen koasoipene pwukat kakete kahrehong tohnihmwo en men onop Paipel ehu rahn.

5 Kahrepe kitail kin kalohkseli iei en onop Paipel rehn aramas akan. Pwe kitail sehse ihs me men onop Paipel, kitail en dehr pweiek en nantihong idek rehn aramas koaros ma re men onop Paipel rehtail. Kapakapki ire wet, oh wia mwekid kan me pwung ong ahmw kapakap kan. Ke pahn diarada me ke pahn idek rehn emen ma e men onop Paipel oh e pahn pwungki!​—1 Sohn 5:​14, 15.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share