Doadoahk me Keieu Kesempwal
1. Soangen tounmetei dah kan me atail kesempwalki doadoahk en kalohk pahn kahrehiong kitail en wia?
1 Dahme kahrehda kitail kin kaukaule ale kangoang en kihong atail ahnsou, kehl oh dipwisou kan ong doadoahk en kalohk? Pwehki sohte ehu doadoahk me kesempwal sang met! Atail kin doudouloale soahng kesempwal kan me doadoahk wet kin wia, pahn kalaudehla atail ineng en iang wia doadoahk wet me sohte pahn pwurehng wiawi.—Wiewia 20:24.
2. Ia duwen atail doadoahk en kalohk eh kak kasarawihla mwaren Siohwa?
2 Kasarawihla Mwaren Siohwa: Doadoahk en kalohk kin kasalehda me Wehin Siohwa me Sises Krais kin kaunda pahn wiliandi koperment en aramas koaros oh kihsang kahpwal kan koaros. (Mad. 6:9, 10) Kaping kohwong Siohwa me iei ih kelehpw me kak kapitala kitail sang soumwahu oh mehla. (Ais. 25:8; 33:24) Pwehki kitail kin weuwa mwareo, irail kan me kin kasawih atail wiewia mwahu oh ngoang kak kapinga ih. (1 Pit. 2:12) Ia uwen eh wia mehkot kaperen ong kitail en kasalehda nin sampah pwon duwen mwaren Kaun en lahng oh sampah iei Siohwa!
3. Kapai dah kan me kin kohwong irail kan me kin mwekidki rongamwahu en Wehio?
3 Komourala Aramas: Siohwa “sohte ketin kupwurki emen en lekdekla, pwe e ketin kupwurki koaros en wiliakapwala oh sohpeisang nan diparail kan.” (2 Pit. 3:9) Ahpw ia duwen arail pahn esehla sapwellimen Siohwa madamadau ong tiahk me mwahu oh tiahk me sohte mwahu ma sohte me pahn padahkihong irail? (Sona 4:11; Rom 10:13-15) Ni emen eh kin mwekidki rongamwahwo, eh mour kin mwahula ni eh kin kesehla tiahk kan me sohte mwahu. (Maika 4:1-4) Patehng met, re kin alehdi koapworopwor en mour soutuk. Atail kin kalapw kalohk oh padahk kin komourala kitail oh irail me kin rong kitail. (1 Tim. 4:16) Pwais kaselel ehu me kitail ahneki nan doadoahk wet me keieu kesempwal!
4. Dahme kahrehda kitail en kin wia uwen atail kak nan doadoahk en kalohki Wehio oh katohnpadahk?
4 Ni ahnsou keren, kahn kamakam kowahlap pahn mwadang kasorehla koasoandi suwed wet. Irail kan me kin kaudokiong Siohwa pahn pitla. Eri, doadoahk en kalohk oh katohnpadahk iei doadoahk me keieu karuwaru oh kesempwal me kin wiawi rahnwet. Kitail en kin keieu kesempwalki doadoahk wet nan atail mour!—Mad. 6:33.