Kousapahl en Sukuhl ong Sapwellimen Koht Doadoahk

Peidek pwukat pahn wiawi nan Sukuhl ong Sapwellimen Koht Doadoahk ni wihk me tapiada April 26, 2010. Sounapwalih en sukuhl pahn kousapahlih peidek pwukat erein minit 20 oh doadoahngki ire kan me kohsang padahk kan me wiawi nan wihk en March 1 lel April 26, 2010.

1. Ia wehwehn en Naomi eh nda: “KAUN-O Wasa Lapalap, eh ketin keriaielahr oh wiakauweielahr”? (Rud 1:21) [w05 3/1 p. 4 par. 1]

2. Irair dah kan me kahrehiong Rud en wia “lih mwahu men”? (Rud 3:11) [w05 3/1 p. 5 par. 2]

3. Ia sapwellimen Koht kosonned me pid nta? [rq iren mehn kasukuhl 12 par. 5, 6]

4. Dahme kahrehda en mehn Israel akan arail pekipek duwen emen nanmwarki eh sohte konehng? (1 Sam. 8:5) [w06 1/1 p. 12, par. 17]

5. Ia duwen Samuel eh kadehde me e kin wia mehn kahlemeng mwahu ni eh kapakapki meteikan ahnsou me e “ohl laudlahr oh moangepwetalahr”? Dahme kitail kak sukuhlki sang met? (1 Sam. 12:2, 23) [w07 9/1 p. 20]

6. Dahme kahrehda Sohl uhdahn kadek ong mehn Ken ko? (1 Sam. 15:6) [w05 4/1 p. 29 par. 10]

7. Koht kupwurki pelien lamalam koaros?[rq iren mehn kasukuhl 13 pars. 1, 2]

8. Dahme kitail kak sukuhlki ni en Depit eh apwalihala kahpwal laud me wiawi nan Kad? (1 Sam. 21:12, 13) [w05 4/1 p. 31 par. 6]

9. Ia kilel me keieu kesempwal en Kristian mehlel akan? [rq iren mehn kasukuhl 13 par. 3]

10. Dahme kitail sukuhlki ni en Sohl eh tuhwong emen lih sounkapwour eni nan Endor? (1 Sam. 28:8-19) [w05 4/1 p. 31 par. 9]