MOMOUR NIN DUWEN KRISTIAN KEI

Tiahk Mwakelekel oh Wahu Laud Kin Kamwakid Mohngiong

Irair mwahu en lih pwopwoud men me wiahla Kristian kin sewese arail pwoud kan en mwekidki padahk mehlel. Ahpw, met kin anahne dadaur pahn kahpwal erein sounpar tohto. (1Pi 2:21-23; 3:1, 2) Ma ke wie lokolongki wiewia sapahrek, pousehlahte kalowehkihdi me suwed me mwahu. (Ro 12:21) Omw mehn kahlemeng mwahu kak kamwakid ahmw pwoud en wekidala mwomwen eh madamadau duwen me mehlelo.

Song kilengwohng irair kan nin duwen me omw pwoudo kin kilengwohng. (Pil 2:3, 4) Kin kasalehda nsenoh oh poakehla, oh wia uwen omw kak en kapwaiada omw pwukoa kan nin duwen lih pwopwoud men. Wia sounrongorong mwahu men. (Sei 1:19) Kin kanengamah, oh kasalehiong omw pwoud omw limpoak. Mendahki ma omw pwoudo sohte kin kasalehiong uhk kadek oh wahu, ke kak kehn peren ni omw ese me Siohwa kesempwalki omw kin lelepek.—1Pi 2:19, 20.

KILANG KISIN KASDO JEHOVAH STRENGTHENS US TO CARRY OUR LOAD, OH MWURI SAPENGALA PEIDEK PWUKAT:

Ia mwomwen mour ong Grace Li ni ahnsou ko me e pwopwoudida?
Dahme kamwakid ih ong padahk mehlel en Paipel?
Ia duwen Sister Li eh dadaurete ni ahnsou me e lelohng kahpwal kan mwurinte eh papidaisla?
Dahme Sister Li kapakapki duwen eh pwoudo?
Soangen kapai dah kan me Sister Li paiekihda pwehki eh tiahk mwakelekel oh wahu laud?

Collage: Kilel kan sang kisin kasdo ‘Jehovah Strengthens Us to Carry Our Load,’ me kasalehda Grace Li eh kekeirda. 1. Grace wie sengiseng nan ahl en nanpwungen ihmw kan; 2. Sister men onop Paipel rehn Grace. 3. Grace oh nah seri kan kohkohsang ni arail restauranto pwehn kohla iang mihting. 4. Grace iangahki tohn eh peneinei meh duwemen mi ni ehu Wasahn Kaudok — Tiahk mwakelekel oh wahu laud kin kamwakid laud!