Kaunopada Mwowe Kin Wahdo Peren
1 En iang doadoahk en kalohk kin wahdohng kitail peren laud. (Melkahka 89:15, 16) Ni mehlel, en kaunopada iei ehu irair kesempwal pwehn sewese emen en peren ni unsek. Ma kitail kin kaunopada mwahu, atail doadoahk pahn pweida mwahu, oh ma atail doadoahk pahn pweida mwahu, atail peren pahn pil laudla.
2 Doadoahngki Mehn Doadoahk kan me Mie: Tepikihda omw kaunopada wadek oh medemedewe duwen audepen Atail Doadoahk ong Wehio. E kin kalapw kihda padahk mwahu kan me wiawihda pwehn sewese uhk en kamengeila uhsehiong aramas teikan padahk en Wehio ni koahiek. Ke pahn diarada ekei sawas kan ong powehdi koasoi en uhwong kan me tohnihmw akan kin kalapw kihda. E kin kihda sawas kan ni oaritik ong iaduwen kitail kak wia return visit kan me pahn pweida mwahu, oh wia met ni ahmw pahn akadeiong tepida Paipel study ehu. Ke kak ni saledek doadoahngki oh kawukihla padahk pwukat lao lel e pahn mengeila ken doadoahngki. Patehng met, ke naineki pwuhken Reasoning, me kin kihda soangsoangen tepin koasoi kan iangahki koasoi me kitail kak doadoahngki ong aramas me kin uhwong atail padahk kan, oh met kin sewese kitail en koahiekla sapengla aramas akan ni soahngen irair tohto.
3 Wadek pwuhk de makisihn me ke pilahn en kihla, oh pilada ire kesempwal ehu de riau pwehn kasalehong tohnihmwo. Ma ke rong de wadek nuhs me kin kihong aramas madamadau laud, met pahn sewese iuk en tepida koasoiong aramas kan. Medemedewe mwowe dahme aramas pahn nda pwehn uhwong kitail, kaunopada ahmw madamadau pwe ken ese dahme ke pahn sapengki. Mwurin mwo, ni minit kei te, praktis dahme ke pahn nda ni ahnsou me ke tuhwong aramas kan.
4 Iang Towehda Service Mihding Koaros: Rong kanahieng dahme kin wiawi erein Service Mihding pwe re pahn koasoia, kousapahlih, oh kamwomwada iren sawas kan me kin pwarada nan Atail Doadoahk Ong Wehio. Tehk duwen iren sawas kan me ke kak doadoahngki. Tamataman dahme kin kalapw wiawi ahnsou me ke kin kalohk, oh medemedewe dahme ke kak wia pwehn koasoiong aramas koaros ni ahl me keieu mwahu. Koasoiong sounkalohk teikan duwen soahng pwukat mwohn oh mwurin mihding.
5 Ke kak tehk pwe ma ke “onopohngehr soahngen doadoahk mwahu koaros,” ke pahn paiekihda soangen peren laud oh pweida mwahu ni ahmw pahn sewese aramas en diarada ahl me pahn kahluwalahng mour soutuk.—2 Tim. 2:21.