Ma Padahk Ehu kin Kamwekid Aramas, Doadoahngki Padahko!
1 Atail Doadoahk Ong Wehio kin kalap kihong kitail mehn sawas nin duwen padahk kan me kitail kak doadoahngki nan kalohk. Mehn sawas pwukat kin sewese kitail en song padahk kapw kan me kak kamwekid aramas en perenki rong duwen Wehio. Kitail anahne nantiong sukuhliki padahk ehu de riau sang padahk kapw pwukat. Ahpw, ekei sounkalohk kan kin diarada me ahnsou me re ahnla doadoahngki ehu padahk, pil ehu padahk sang Atail Doadoahk Ong Wehio kin kohda oh kangoange sounkalohk kan en doadoahngki padahk kapw kan. E sansal me e pahn apwal ong ekei sounkalohk kan en sukuhliki padahk kapw ehu pwe re saikinte ahnla doadoahngki padahk kan en sounpwong teio.
2 Ahpw, pil mie pioneer kid kid kei oh sounkalohk teikan me kin iang kalohk awa tohto. Ihme kahrehda, mwomwohdiso tohto kin kalohk nan wasahn kalohk koaros erein wihk keite. Nan mwomwohdiso pwukat, sounkalohk kan kin kalahnganki padahk kapw kan. Padahk pwukat kin sewese irail en koahiekla. Padahk pwukat pil kin sewese irail en perenki doadoahk en kalohk oh kamwekid aramas en men rong padahk mehlel oh kin sewese sounkalohk kan en powehdi kahpwal kan me re kin lelong.
3 Ahpw, ma ke doadoahngki padahk ehu me kin kamwekid aramas en rong, menlau doadoahngkihte padahko! Ke sohte anahne sohla doadoahngki padahko me kin kamwekid aramas en rong. Ihte ke pahn ekis kawukila padahko pwehn kak doadoahngki pwuhk me kitail kin kihla nan sounpwong wet. Ni ahmw kin kousapahlih mehn sawas kan me kin kohda nan Atail Doadoahk Ong Wehio, pilida ire kan me ke men doadoahngki nan ahmw padahk.
4 Eri, ni ahnsou me ke kin ale noumw doaropwe Atail Doadoahk Ong Wehio, tamataman me padahk loale ihte wia mehn sawas kei. Ma ke pahn doadoahngki, e pahn mwahu. Ma ke doadoahngki padahk ehu me kin kamwekid aramas en rong, doadoahngkihte padahko! Dahme kesempwal iei me kitail en “kapwaiada omw pwukoah koaros nin duwen me konehng ladun Koht men,” oh nantiong rapahkihda aramas me mehlel oh sewese irail en wiahla tohnpadahk kan.—2 Tim. 4:5.