Question Box

◼ Mehnia pwuhk kan kitail pahn onopkihong aramas kapw kan mwohn re papidais?

Mwohn emen pahn inoukihong Siohwa ah mour oh papidaisla, e anahne sukuhliki padahk mehlel. (Sohn 17:3) E pahn wia met ni ah pahn onop brochure Dahme Koht Kupwurki Kitail en Wia? oh pwuhken Ke Kak Mour Kohkohlahte Nan Paradais Nin Sampah​—⁠koaros. Pali laud en ahnsou, onop en brochure Kupwurki pahn wiawi mahs. Ahpw, ma aramaso tepidahr onopki pwuhken Mour Kohkohlahte, onop en brochure Kupwurki kak wiawi mwurin pwuhko nek. Dahme kahrehda met kesempwal?

Brochure Kupwurki kin koasoia mour en padahk kan en Pwuhk Sarawi. Ma onop en brochure Kupwurki pahn wiawi mahs, e pahn sewese tohnsukuhl en kilang dahme e anahne wia pwehn kaperenda Siohwa. Ma onop en brochure Kupwurki pahn wiawi mwurin pwuhko, e pahn kou­sapahlih dahme e sukuhliki nan pwuhken Mour Kohkohlahte. Ahpw, sohte lipilipil ma onop en brochure mahs de onop en pwuhk mahs, kangoange tohn­sukuhl en kilang iren Paipel kan oh doudouloale. Ken kasalehda kilel kan oh koasoia, pwe kitail kak sukuhliki soahng tohto sang kilel pwukat.​—Kilang Watchtower (lokaiahn wai) en January 15, 1997, pali 16-​17.

Ni ahnsou me tohnsukuhl en Paipel kanekehlahr brochure oh pwuhko, e pahn kak sapengla peidek kan me elder kan pahn wia ong ih pwehn kaunopada ong papidais. Ma iei, sister de brother me kin onop reh sohlahr anahne onopkihong pil ehu pwuhk, ahpw sistero de brothero pahn tehk ma e wie kekeirada ni pali ngehn oh nantiong sewese ih.​—Kilang Watchtower (lokaiahn wai) en January 15, 1996, pali 14 oh 17.