Mouren Aramas akan Mihlahr nan Irair Keper!
1 Pwuhk Sarawi kin kasansalehda me Siohwa kin kupwurki “aramas koaros en ale komourparail.” Ahpw, e pil sansal me mouren tohnsampah lik lik kei kin poahsoankihda dahme re kin medemedewe duwen Siohwa Koht oh sapwellime Wehi me Sises Krais pahn kaunda. Ahneki madamadau pwung pahn ihte poahsoankihda “loalokong pwung en padahk mehlel.” (1 Tim. 2:3, 4) Kitail kin kehsehki aramas akan me, ni ahnsou keren, Sises pahn kamwakelehda sampah sang suwed koaros pwe sapwellimen Koht koasoandi kapw pahn pweida sampah, kitail pil anahne sewese aramas pwe ren kak ale komourparail.—Madiu 24:14; 28:19, 20; Rom 10:13-15.
2 Dahme Kahrehda Kitail en Karuwaruki? Sises mahsanih me “apwal en ni ahnsowo pahn laudsang apwal me kin wiawi sang mahs kohdo lel met.” (Madiu 24:21) Apwalo pahn laud mehlel ni ahnsou me Armakedon wiawi. (Kau. 16:16) Aramas rar rar kei, iangahki atail peneinei me saikinte iang padahk mehlel, mehn mpatail kan, iengatail tohndoadoahk kan, iengatail tohnsukuhl akan, oh aramas me kitail kin ese pahn mehla ma re sohte mwekidki rohng en Rongamwahu. Ahpw, dahme kitail kin nsenohki iei en kalohk ong “soangsoangen aramas koaros” oh, ni ahl wet, kitail kin kahlemengih Koht, me kasalehda sapwellime limpoak ni e ketikihong tohnsampah koaros sapwellime Ohl, Sises Krais, pwe ih en tomwkihla dipatail. (Sohn 3:16) Kitail pahn ngoangki luhke aramas pwe ren tangalahng sapwellimen Koht wasahn rukla. Ma kitail kapwaiada ni unsek atail pwukoah en kalohkihong aramas akan Rongamwahuwo, kitail sohte pahn dipkihda ntahn aramas akan.—Esekiel 33:1-7; 1 Kor. 9:16.
3 Ia Atail Mehn Akadei? Kesempwalpen doadoahk en kalohk kin sansal nan Mahsen en Koht. Nin duwen dahme Wahnpoaron Pohl mahsanih, “limpoak en Krais kamwakamwakid” kitail pwehn kitail en kak mourki sapwellimen Koht ahl akan. (2 Kor. 5:14) Pil ehu, Kahn Iroir kin kalap koasoia atail pwukoah en kalohk. Atail Doadoahk Ong Wehio pil kin kalap kihda kaweid ong iaduwen elder kan kak koasoanehdi doadoahk en kalohk. Re kin koasoanehdi doadoahk en kalohk oh kangoange sounkalohk kan en iang kalohk. Sounkalohk teikan kin luhke kitail en iang irail nan kalohk. Re kin koasoia duwen kaunopada padahk kan, kihla makasihn oh pwuhk oh brochure kan, pwurehng pwurala rehn aramas akan oh tepida onop en Paipel rehn aramas akan oh pil iaduwen kitail kak wia uwen me kitail kak en kalohk ong aramas koaros. Kangoang pwukat koaros kin sewese kitail en sewese mehteikan en ale komourparail.—1 Kor. 9:22, 23; Episos 1:13.