“Millennium Kapw—Dahme Ahnsou Kohkohdo Kolokol Ong Uhk?”
1 Aramas tohto wasa koaros nan sampah kin medemedewe peidek wet. Mendahki aramas akan wiahdahr soahng tohto sangete mahs lel met, aramas tohto kin nsensuwedte pwehki kahpwal tohto mihmihte sangete mahs lel met. (Sohp 14:1; Mel. 90:10) Aramas kak sohpeiong ihs pwehn wahdo kamwahupen kahpwal pwukat?
2 Nan sounpwong kan en October oh November, pahn mie atail ahnsou mwahu en sapeng peidek wet rehn mehn mpatail kan. Iaduwen? Ni atail pahn kihseli tract en Kingdom News No. 36. Oaralap en tract wet koasoia “Millennium Kapw—Dahme Ahnsou Kohkohdo Kolokol Ong Uhk?” Sang October 1 lel 15, kitail pahn kihla makisihn en Watchtower oh Awake! Sang October 16 (Ni Ehd) lel November 17 (Ni Alem), kitail pahn kihseli tract en Kingdom News No. 36 ong aramas koaros. Sang Ni Ehd lel Ni Alem, kitail pahn kihlahte tract en Kingdom News No. 36. Ahpw, Rahn Kaunop oh Rahn Sarawi kan, kitail pahn kihla tract kapw kan iangahki makisihn kapw kan.
3 Ke Pahn Wia Uwen Me Ke Kak en Iang Kihseli Tract Kapwo? Elder kan, ministerial servant kan, oh pioneer kan pahn tiengala mwowe nan doadoahk en kihseli tract kapwo. Sounkalohk tohto pahn koasoanehdi arail ahnsou en Auxiliary Pioneer nan October oh November. Ekei pahn koasoanehdi arail ahnsou pwehn kalaudehla arail ahnsou nan kalohk.
4 Irail brother kan me kin wia Pwuhk Study en Mwomwohdiso kak sawas ni arail pahn kangoange emen emen nan arail Pwuhk Study en wia uwen me re kak en iang kihla tract en Kingdom News No. 36. Ekei aramas kin wia sounkalohk mahs ahpw met solahr kin iang kalohk. Elder kan kak mwemweitla rehrail oh kilang dahme re kak wia pwehn sewese aramas pwukat. Mwein re pahn koasoanehdi emen sounkalohk koahiek en iang aramaso me wereila sohte kin kalohk. Ma sawas pahn kohwong irail me wereila sohte iang kalohk pwe ren kak wiahda arail padahk mengei ong tract en Kingdom News No. 36, met pahn sewese irail en pwurehng iang kalohk.
5 Ahnsoun kihseli tract kapwo pahn wia ahnsou mwahu ong irail me kin onop Paipel oh kereniong kanokehla pwuhken Knowledge oh kakehr wia sounkalohk me saikinte papidais en tepida iang kalohk. Me pwulopwul kan pil kak iang doadoahk kaperen wet.
6 Ke kak doadoahngki padahk mengei. Ke kak nda:
◼ “I sawaski ahi ahnsou pwehn kihseli doaropwe wet me audaudki rohng kesempwal ong peneinei koaros nan [eden kahnimw de wehi]. Ale noumw doaropwe. Menlau wadek doaropwe wet.” E sohte pahn mwahu en doadoahngki lapalahn ehd de lapalahn kopwou ni ahmw pahn kihseli tract en Kingdom News No. 36.
7 Elder kan pahn Kaunopada Mwahu ong Tuhpenehn Kalohk kan: Elder kan pahn tehk me koasoandi kan ong kihseli doaropwe kapwo pahn mwahu ong sounkalohk kan. Keieu, Sounapwalih en Kalohk pahn tehk me mie itar wasahn kalohk en ihmw-lel-ihmw oh wasahn kalohk nan wasahn pisnis pwe koaros pahn kak wia uwen me irail kak nan doadoahk en kalohk. Ma kak, tuhpenehn kalohk pahn wiawi rahn koaros, iangahki ni soutik kan. Koasoandi en kalohk kan pahn pil wiawi mwurin souwas pwe tohnsukuhl kan oh tohndoadoahk kan oh mehteikan kan en iang kalohk.
8 Dahme Kitail Pahn Wia Ma Tohnihmw Sohte Mie: Atail mehn akadei iei en kalohk ong aramas koaruhsie. Ma tohnihmw sohte mie ahnsou me ke kohla ni ihmw kan, ke kak ntingihdi iawasa ihmwo mie oh ke kak kohla pil ehu ahnsou tohrohr. Ma ahnsoun kihseli doaropwe kapwo pahn nekier, oh ke saikinte tuhwong koaros nan wasahn kalohk, ke kak kihdihte doaropwe kapwo ni ihmw kan, ahpw en dehr sansal ong irail me kin keid likin ihmw kan. Ong wasa kan me kitail sohte kin kalapw kalohk, mwein elder kan pahn padahkiong sounkalohk kan en kihdihte doaropwe kapw en Kingdom News No. 36 ni ihmw kan koaros.
9 Kitail en Pwerisek! Mwomwohdiso kan pahn nantihong kanekehla arail wasahn kalohk kan oh kihong tohnihmw koaros doaropwe kapwo mwohn November 17. Ma amwail wasahn kalohk inenen laud, e pahn mwahu ma ekei sounkalohk kan kak kelepw ma re kak. Met pahn kak kahrehong sounkalohk kan en kalohk ong aramas tohto. Menlau ntingihdi eden aramas akan me kin perenki rong.
10 Elder kan pahn oaht mwadang makisihn kan me itar ong mwomwohdiso. Elder kan sohte anahne oaht tract en Kingdom News No. 36 pwe Society koasoanehdi ong mwomwohdiso kan koaros uwen me re anahne. Emenemen Special Pioneer kan, Regular Pioneer kan, oh Auxiliary Pioneer kan pahn ale doaropwe 250 pwehn kihla, oh sounkalohk teikan en mwomwohdiso pahn ale doaropwe 50. Ke kaunopadahr en iang doadoahk kaperen wet? Kitail ahneki pwais kesempwal en sewese mehn mpatail kan en wehwehki dahme Koht inoukihong aramas akan ong ahnsou kohkohdo!