Koakon En Peidek

◼ Soahng dah kan kin konehng en koasoia ni ahnsou me sounkalohk kan kin tuhpene ong kalohk?

Kahrepen mihding en kalohk kin wiawi iei pwehn sewese kitail en kaunopada mwahu ong kalohk. Ihme kahrehda, e pahn mwahu ma brother me wia mihding wet pahn kaunopada mwahu oh kak kihda mehkot me pahn kangoange sounkalohk kan oh mehkot me irail kak doadoahngki. Ma Iren Rahn kin pid duwen kalohk, brothero kak wadek oh koasoia duwen met ni mwotomwot. Ahpw, mihding en kalohk anahne kasalehda duwen doadoahk en kalohk me wiawi rahno, sewese irail koaros me pahn iang kalohk en kaunopada mwahu oh koahiekla ni arail pahn kalohk ong aramas teikan rahno.​—2 Tim. 4:5.

Brothero kak koasoia duwen ire kan sang Atail Doadoahk Ong Wehio me kin pid duwen doadoahk en kalohk rahno, oh e kak pil koasoia duwen dahme kitail pahn kihla nan sounpwong wet oh iaduwen kitail kak wia met. Rahno me kitail kin kihla makisihn kan, brothero kak koasoia duwen artikel me oaralap koasoia “Dahme Kitail Kak Koasoia Duwen Makisihn kan” oh e kak koasoanehdi kamwomwada en wiawi. Ni ahnsou me kitail kin kihla mehkot tohrohr, brothero kak kasalehda tepin koasoi ehu de riau sang nan pwuhken Reasoning. E kak koasoia mehkot duwen kalohk oh koasoanehdi kamwomwada duwehte iaduwen kitail kak doadoahngki Paipel ni atail kalohk ong aramas akan, de dahme kitail kak nda ma emen kin song en kauhdi atail kalohk ong ih, de iaduwen kitail kak kasalehda duwen atail koasoandi en onop Paipel rehn aramas akan, de dahme kitail kak nda ni atail pahn pwurehng pwurala rehn aramas akan.

Mihding kan en tuhpene ong kalohk sohte pahn reirei sang minit 10 lel 15, oh met wehwehki en koasoanehdi pwihn en kalohk, padahkiong pwihn kan iawasa irail pahn kalohk, oh kapakap​—⁠soahng pwukat koaros pahn sohte reirei sang minit 10 de 15. Ni ahnsou me kapakap nek, sounkalohk koaros pahn ese ihs me irail pahn iang, iawasa irail pahn kalohk, oh irail koaros pahn mwesel sang wasao mwadang. Pwehki mihding en tuhpene ong kalohk pahn mwadang, e kesempwal ong koaros me pahn kalohk en kohpene mwadang. Ni ahnsou me tuhpene ong kalohk pahn wiawi mwurin mihding laud ehu, duwehte Onop en Kahn Iroir, mihding en tuhpene ong kalohk wet pahn mwotomwot. Brothero sohte pahn koasoia Iren Rahn pwehki mihding laud me ahpwtehn neko dirkihlahr iren Paipel tohto oh koaros alehier kangoang oh sawas laud sang mihding en rahno.

Elder kan koasoanehdier oh padahkiongehr brother kan me papidaislahr oh kakehr wia mihding en tuhpene ong kalohk oh ahnsou dah kan me irail pahn kihpeseng pwihn en kalohk kan. Ma ehu rahn, sohte brother me pahn kak kihpeseng pwihn en kalohk, elder kan kak koasoanehdi rehn sister kan me papidaislahr pwe ren kak kihpeseng pwihn en kalohk, ma mie anahnpe. Sistero sohte pahn kesihnen oh kihpeseng pwihn en kalohk, e pahn mwomwohd oh e kak mweidohng sounkalohk kan en kasalehda ire kan me irail perenki sang Iren Rahn de ire teikan me pid doadoahk en kalohk, oh ahn sistero a koasoi pahn anahne en mwotomwot. E pahn anahne doadoahngki koaduhpwal.

Mihding kan en tuhpene ong kalohk kin wia ahnsou mwahu kan ong kitail en ale kangoang oh kaunopada mwahu ong kalohk. Ma brother me wia mihding wet pahn kaunopada mwahu, sounkalohk koaros pahn paiekihda.