Kapokon en District Kin Kamwekid Kitail en Iang Koht Kekeid
Kapokon en District me oaralap “Iang Koht Kekeid” me kin wiawi wasa koaros nan sampah kin wia kadehde laud ong aramas akan. Koasoandi sang powe pwukat kin kawauwih mwaren Siohwa oh kamwekid kitail en “iang Koht mehlel kekeid.”—Sen. 5:22, 23; 6:9.
Ehi, kitail ale soangen kaweid en pali ngehn kaselel kan nan kapokon wet, oh kitail men doadoahngki nan atail mour dahme kitail sukuhliki. (Pilipai 4:8, 9) Met pahn kakehlailih atail ineng en papah Siohwa oh “kekeid nan sapwellime ahl akan.”—Aiseia 2:2-3.
Kapokon en District me oaralap “Iang Koht Kekeid” kasalehda ni sansal duwen sapwellimen Siohwa kaweid wet: “Iet ahlo. Kumwail idawehn”! (Aiseia 30:21) Kapwaiada kaweid kan me kitail alehda pahn sewese kitail en ‘tehk kanahieng ia mwomwen atail alialu.’ (Episos 5:15) Doudouloale dahme kitail sukuhliki pahn sewese kitail ni atail pahn “mourki padahk mehlel.”—3 Sohn 3.
Doadoahngki peidek pwukat iangahki nting kan me ke wiahda ahnsoun kapokono (notes) pwehn kaunopada ong kousapahl en prokram en kapokon en pahr wet. Kousapahl pahn wiawi ni Service Mihding en wihk me tepida October 18.
1. Soangen kapai dah kan kin kohwong irail me kin iang Koht kekeid? (“Iang Koht Kekeid kin Wahdohng Kitail Kapai kan Ni Ahnsouwet oh Ahnsou Kohkohlahte”)
2. Ia mwomwen Inok a iang Koht kekeid mendahki e memour nan ahnsou apwal kei? (Ipru 11:1, 5, 6; Sud 14, 15; “Iang Koht Kekeid Ni Ahnsoun Kahpwal akan”)
3. (a) Dahme kitail anahne tehk duwen ahnsou kan me aramas akan kin kasamwo oh kadek ong Sises? (Luk 10:42; 24:32) (b) Iaduwen kitail kak kaitarala atail anahn en ahnsoun mwemweit ni ahl ehu me kitail oh meteikan koaros kin nsenamwahuki? (1 Kor. 10:31-33; “Wiewia Konehng kan me Kin Kommoaleikitailla”)
4. (a) Soahng siluh kesempwal dah kan me pidada atail doadoahk en kalohk me kitail anahne kasawihada pwehn kak tehk ma kitail kin uhdahn utungada sang mohngiongatail doadoahk wet? (Aiseia 52:7; Sekaraia 8:23; Mark 6:34) (b) Soangen sawas dah kan me kisin pwuhk me oaralap koasoia Good News for People of All Nations ke diarada me inenen sewese iuk nan ahmw doadoahk en kalohk? (“Rongamwahu ong Aramas akan me Kohsang Wehi kan Koaros”)
5. Iaduwen kitail kak kesihnenda teng nan pwoson oh pelianda kasongosong kan sang Sehdan? (Episos 6:11, 13; “Koasoanehdi Ahnsou Pwehn Kak Iang Koht Kekeid”)
6. (a) Dahme “awahn kadeik” me Kaudiahl 14:7 kin kasalehda kin pidada? (b) Iaduwen kitail kak kasalehda me kitail tohrohrla sang Papilon Lapalap? (“ ‘Mwasamwasahn’—Aua en Kadeik Leledohr”) (c) Soangen ire dah kan me ke perenki sang nan brochure kapw me oaralap koasoia Keep on the Watch!?
7. Mehnia ire me ke keieu perenki nan atail kousapahl en Kahn Iroir? Iaduwen artikel me kitail sukuhliki kamwekid uhk en kalaudehla ahmw papah Siohwa ni lelepek? (Pilipai 1:9-11; 2 Pit. 3:17, 18)
8. Iaduwen prokram en kapokon sewese iuk en iang Siohwa kekeid? (Kolose 1:9-12; 1 Deselonika 4:1; “Iang Siohwa Kekeid Ni Ahl Me E Kin Ketin Kupwurki . . . , Kaperenda Ih Ni Atail Wiewia Kan Koaros”)
Kitail en wia uwen me kitail kak en kapwaiada ‘mahsen me mih mwuritail’ pwehn kak iang Siohwa, Samatail nanleng, kekeid kohkohlahte.—Aiseia 30:21; Sohn 3:36.