Koakon En Peidek

◼ E konehng kitail en kileledi pein neitail e-mail adres pohn pwuhk kan me kitail kin kihla?

Ekei sounkalohk kan kin doadoahngki stamp de label pwehn kileledi pein neirail e-mail adres pohn makasihn kan de doaropwe kan me re kin kihong meteikan. Irail me ale doaropwe pwukat kak uhd kadarala e-mail ong sounkalohko pwehn peki reh en kawehwe padahk kan. Sounkalohk pwukat kin wia met pwe re kin nsenohki aramas akan me perenki rong. Ahpw, neitail Web Site ong wehipokon kin kileldi ni tihnsou en makasihn kan oh doaropwe kan. Kahrehda, e pahn keieu mwahu kitail sohte pahn kileledi pein neitail e-mail adres pohn neitail pwuhk kan.

Emenemen sounkalohk pahn pein koasoanehdi ma e pahn ntingihdi pein nah e-mail adres ape pohn ehu doaropwe tohrohr oh kihong aramas akan nan eh wasahn kalohk, keieu ni ahnsou me e pahn pwurehng pwurala rehn aramas akan me perenki rong. Kitail anahne tiengla mwowe en pwurehng pwurala rehn aramas akan me perenki rong, kaidehn ihte mweidohng irail en pilada ma re pahn pwurehng tuhwong kitail en ale sawas de soh. Atail nsenoh mehlel pahn kak sansalda ni ahnsou me kitail pahn uhdahn tuhwong aramas oh koasoiong ih.