Doadoahk en Kalohk me Keieu Laud nan Sampah Pwon!
Erein sounpar epwiki kei, Sounkadehdehn Siohwa kan kin ehupene pwehn waseli rongamwahwo. (1 Kor. 9:23) Nan doadoahk en kalohk laud wet, kitail kin doadoahngki lokaia epwiki kei pwehn ehukihong meteikan rongamwahwo. Kitail waseli rongamwahu wet nan sahpw daulih 230. (Mad. 24:14) Ahpw dahme kahrehda doadoahk wet anahne en wiawi? Oh iaduwen doadoahk wet kin pweida nan sampah pwon?
Video me oaralap Jehovah’s Witnesses—Organized to Share the Good News (Sounkadehdehn Siohwa kan—Pwihnen Kalohki Rongamwahwo) sapengla peidek kan ni e kasalehda ni sansal soangsoangen wiepen kalohk me kin wiawi nan sampah pwon. Ni ahmw pahn kilang video wet, medemedewe peidek pwukat: (1) Iaduwen atail doadoahk wet kin koasoansoandi oh wiawi? (2) Iaduwen wasahn Nting, wasahn Kawehwe, wasahn Mahlen, oh wasahn wiahda Audio/Video kan kin sawas ehukihong meteikan rongamwahwo? (3) Ia kahrepen atail kin doadoahk laud wiahda pwuhk kan oh kadarala wasa teikan? (Sohn 17:3) (4) Pwuhk depe me kin wiawihda erein sounpar ehu? (5) Dahme kin pweida pwehki wiawihdahn sawaspen Paipel pwukat? (Ipru 4:12) (6) Soangen sawas dah kan me wiawihda ong irail akan me sohte kak kilang de rong wasa? (7) Kohsang ia mwohni me kin sewese atail doadoahk wet? (8) Iaduwen atail kin paiekihda sawas me kohsang palien sawas kan en wini (Hospital Information Services), wasahn apwalih doadoahk en kalohk (Service Department), oh wasahn koasoanehdi kapokon akan (Convention Department)? (9) Nin duwen Sounkadehdehn Siohwa men, iaduwen video wet kalaudehla ahmw kalahnganki (a) doadoahk me sapwellimen Siohwa pwihn kin wia pwehn kalohki rongamwahwo? (b) irail tohndoadoahk en nan Bethel epwiki kei nan sampah pwon? (c) kasukuhl me kin kohwong irail sounapwalih kan oh misineri kan? (d) kesempwalpen tepikihda ehuehu rahn iren Paipel kan oh kaunopadahng mihding en mwomwohdiso kan? (e) kesempwalpen towehda pokonpenehn Kristian akan? (f) dahme Paradais pohn sampah pahn wahdo ong kitail? (Ais. 11:9) (g) iang kisehn doadoahk en dondol wet?—Sohn 4:35.
Soangen kamwahu dah kei me kohsang ahmw kin ehukihong mepwukat rehn ahmw peneinei, iengomw kan, return visit kan, oh Paipel Study kan? Ke sou mwadang ehukihong emen video wet iangahki rongamwahwo?—Mad. 28:19, 20.