Kasalehda Kesempwalpen Tapiada Onop en Paipel ni Tepin Rahn Kaunop
Tepisang sounpwong en May 2011, kangoang kohwong sounkalohk kan ren song tapiada onop en Paipel ni tepin Rahn Kaunop en ehuehu sounpwong. Pwehn sewese kitail en wia met, ehu ire nan Kahn Iroir me oaralap koasoia “Peidek kan en Paipel Pasapengla” kin kaunopadahr. Ihme kahrehda tuhpenehn kalohk ni tepin Rahn Kaunop kin kasalehda ia duwen atail kak doadoahngki ire wet pwehn tapiada onop en Paipel kan oh kamwomwada ehu pahn iang.
Elder kan kak koasoanehdi ehuehu pwihn en kalohk en kelehpw tuhpene ni tepin Rahn Kaunop de re kak koasoanehdi pwihn en kalohk kan ren patpene nan Wasahn Kaudok. Mehnda ma mwomwohdiso tohto kin doadoahngki Wasahn Kaudoko, sohte mwomwohdiso pahn kasaula rahn tohrohr en tapiada onop en Paipel wet ong ehu rahn tohrohr pwe pwihn en kalohk kan en kak patpene ong tuhpenehn kalohk.