“I Pahn Ale Noumw Pwuhk Ma Ke Pahn Ale Nei”
Met iei dahme ekei tohnihmw kin nda. Pwehki kitail sohte kin kawilialihki neitail sawaspen Paipel kan ong pwuhken pelien lamalam me kin pouse me sapwung, ia duwen atail pahn sapeng ni kamantik? (Rom 1:25) Kitail kak nda: “Kalahnganki omw men kihong ie men. Dahme met koasoia duwen kamwahulahn kahpwal en aramas akan? [Mweidohng tohnihmw en sapeng. Ma e luke iuk ken wadek nah pwuhk pwehn diar pasapeng, ke kak katamanki me ke sohte kin kihla pwuhk ma ke sohte padahkihong ih audepe kan. Mwuri wadek de koasoia Madiu 6:9, 10.] Sises ketin kasalehda me Wehin Koht pahn kahrehiong kupwuren Koht en wiawi nin sampah. Kahrehda, I kin wadek ihte pwuhken pelien lamalam me kin kasalehda Wehin Koht. I kak kasalehiong uhk sang Paipel ekei soahng kan me Wehin Koht pahn wia?”