Kalaudehla Atail Koahiek nan Doadoahk en Kalohk​—Ese Sewese Iengomw Sounkalohk

Dahme Kahrehda E Kesempwal: Sises kin ketin pohnese kesempwalpen mie iengomw ahnsoun kalohk. Eri ni ahnsou me e ketin kadarpeseng nah tohnpadahk isiakan ko en kohwei mwowe oh kalohk, e ketin poaronepeseng irail, wad riemen. (Luk 10:1) Sounkalohk men kak sewese ienge sounkalohko ma e lelohng irair apwal ehu de sohte nohn ese ia mwomwen eh pahn sapeng tohnihmwo. (Ekl. 4:9, 10) E kak ehukihong iengeo dahme wiawiong ih oh ekei pak kihda iren sawas kan en sewese ienge sounkalohko en kalaudehla eh koahiek nan doadoahk en kalohk. (Lep. Pad. 27:17) E pil kak kangoange iengeo ni eh pahn wia soangen koasoi en kangoang erein ara kohkohwei ni ihmw kan.​—Pil. 4:8.